Salou e Tarragona xa teñen a súa folla de ruta para converterse no epicentro do baloncesto de formación do 1 ao 5 de abril. Xa está publicado o calendario do Campionato de España Minibasket de Seleccións Autonómicas do 2023. Cataluña e Madrid defenden os títulos conquistados o ano pasado
Galicia arrincará en feminino competindo no Grupo E xunto a Castela León e Illas Baleares. En masculino fará o propio no Grupo D con Principado de Asturias, Navarra e Ceuta.
(Info: FEB) O #PlanetaMini2023 xogarase en tres pavillóns e cinco pistas. O espectacular Palau D’Esports de Catalunya contará con tres pistas en Tarragona, mentres que en Salou xogarase no Pavillón Ponent e o Centre Salou. Unhas instalacións de calidade para disputar os máis de 100 partidos que se xogarán durante cinco días.
O sistema de competición será o mesmo que o que se utilizou no Campionato de España Infantil e Cadete. Catro grupos de catro equipos e un de tres que xogarán a primeira fase nos dous primeiros días de competición (1 e 2 de abril). O luns 3 será a xornada de cuartos de final, mentres que o martes 4 disputarase as semifinais e o mércores 5 a loita polas medallas.
Clasificaranse os dous primeiros equipos dos Grupos A, B e C e os líderes do D e E. Haberá outro cadro de cruces para dirimir os postos do 9 ao 16 (3º e 4º do Grupo A, 3º do B e C e 2º e 3º do D e E); e un triangular para os postos do 17 ao 19 (4º dos Grupos B, C e D). Cataluña defende o título en categoría masculina, conquistado o ano pasado na localidade gaditana de San Fernando #ante Andalucía. Pola súa banda, Madrid gañou o ouro superando a Cataluña en categoría feminina, conseguindo o cuarto título no seu palmarés.
MINI MASCULINO
Grupo A: Andalucía, Comunidade Valenciana, Cantabria e País Vasco
Grupo B: Cataluña, Aragón, Extremadura e La Rioja.
Grupo C. C. Madrid, I. Canarias, Castilla La Mancha, Melilla.
Grupo D: Galicia, P. Asturias, Navarra e Ceuta.
Grupo E: Castilla León, I. Baleares e R. Murcia.
MINI FEMININO
Grupo A: Andalucía, Aragón, Cantabria e Navarra.
Grupo B: Cataluña, C. Valenciana, R. Murcia e Cast. Mancha.
Grupo C: C. Madrid, Canarias, La Rioja e Ceuta.
Grupo D: P. Asturias, País Vasco, Estremadura e Melilla.
Grupo E: Galicia, Castilla León e I. Baleares.
