Febreiro, escenario para un novo Curso de Iniciación “ON LINE” para árbitros e oficiais de mesa.

Dende o día un deste mes, e ata o día nove; o CGAB formará a novos aspirantes a árbitros e oficias de mesa a través do Campus didáctico on line da Federación Galega de Baloncesto.

O Comité Galego de Árbitros activa a VII convocatoria do Curso “On Line” de iniciación á formación como árbitros e oficiais de mesa 2016 – 2017. Todos os interesados a introducirse nesta faceta do baloncesto poden facelo a través desta nova cita formativa, a cal se levará a cabo a través do Campus on line FGB, ferramenta estreada esta temporada e que está a dar moi bos resultados.

Este VII curso levarase a acabo entre o un de febreiro e o dóa nove do mesmo mes, permanecendo xa aberta a posibilidade de inscrición no mesmo, debendo realizar, antes do 31 de xaneiro, o seguinte proceso previo:

Os pasos concretos e indispensables a seguir para formar parte deste VI Curso de Formación Online para Árbitros e Oficiais de Mesa son:

1. Realizar o pago da cota do curso (25 € inscrición xeral. 15 € para federados) na conta ES 27 2100/1455/11/0200136257 (“la Caixa”).

2. Envío de xustificante de pago a cursos.online@fegaba.com especificando datos persoais do alumno.

3. Inscrición na plataforma online FGB e posterior inscrición no “Curso de Iniciación Árbitros e Oficiais de Mesa – Febreiro´ 17″.

VII Curso de Formación Online para Árbitros e Oficiais de Mesa: información completa