A Escola Galega de Adestradores (EGA), en colaboración co Básquet Coruña; activa a primeira convocatoria de Formación Complementaria da temporada 2024 – 2025: o “Obradoiro Específico Mellora individual do Xogador”.
A cita terá lugar o 1 de setembro, abrindo un novo ciclo didáctico para a EGA, neste caso cos técnicos galegos Fernán Varela e Víctor Pérez como protagonistas.
O Obradoiro comprenderá dúas sesións individuais consecutivas, para rematar posteriormente con posta en común conxunta entre os nosos dous relatores. Este plan estenderase entre as 10:00 h e as 14:00 h con sede na Polideportiva de Riazor.
Inscrición
A inscrición neste “Obradoiro Específico Mellora individual do Xogador” permanece xa aberta e realizarse vía FORMULARIO ONLINE. O prazo para completar a mesma estenderase ata o 29 de agosto (12:00 h).
Validación
A asistencia a esta proposta de apertura da temporada poderase validar por un total de 10 HORAS de formación complementaria para o alumnado dos Cursos de Adestradores EGA.
