Rematamos unha tempada ilusionante, chea de retos, marcada polo traballo en equipo e comezamos xa a mirar de cara a próxima e a mellorar todos os aspectos que sexa posible para poder continuar medrando como federación e como equipo.
O traballo conxunto ao longo destes meses posibilitou acadar con creces os nosos obxectivos, dando así lugar a numerosos logros dos que non poderíamos estar máis orgullosos.
Comezábamos a tempada cunha emocionante Copa Galicia, competición que temos intención de trasladar á cidade da Coruña nesta vindeira temporada e na que estamos traballando para que, no ano 2025 e coa intención de reforzar a irmandade con Arxentina, sexa posible celebrala na cidade de Bos Aires.
Galicia acolleu con éxito tres Campionatos de España
Sen dúbida, cabe destacar o éxito dos tres Campionatos de España que acolleu Galicia, cun grado de excelencia moi elevado en todos eles e que nos permite seguir no mapa para volver a acoller torneos de esta importancia de cara ao próximo ano. Na actualidade, podemos afirmar que temos avanzadas as xestións co Concello de Vigo, o concello de Ribadeo e a Comarca da Mariña, e cos Concellos de Santiago e Marín. Nos próximos meses continuaremos traballando para volver a estar á altura e para disfrutar na nosa comunidade de torneos deste nivel.
Destacamos tamén o traballo realizado na organización e no desenvolvemento das Fases Finais e das Fases de ascenso disputadas nesta última etapa da tempada, competicións que potenciaremos de cara ao próximo ano e coas que seremos aínda máis esixentes no referente ás instalacións e ás condicións dos equipos participantes.
Énchenos de orgullo o papel relevante que de novo temos na Federación Española de Baloncesto, co meu nomeamento para a Comisión Delegada e o de Susana Fernández Fiuza para a Comisión Executiva. Motivo para sentirnos orgullosos é tamén observar os grandes pasos que da a UFEDEGA, órgano que represento actualmente e que me permitiu asisitr ás Xuntas Directivas Nacionales, celebradas o ano pasado en Bilbao e este en Madrid.
O número e a calidade das competicións deste ano é sen lugar a dúbidas un dato a resaltar, cada tempada traballamos por ofrecer unhas condicións óptimas para todo aquel que disfrute do baloncesto. Esta tempada deu lugar á Liga de Veteranas, unha competición cun formato moi atractivo e que queremos trasladar tamén á categoría masculina de cara á vindeira tempada.
A pesar do noso balance positivo, non podemos esquecer a nosa activa loita irrenunciable contra calquera tipo de discriminación tanto nas pistas como fóra delas. Desde a Federación Galega condenamos todo tipo de exclusión sexa do tipo que sexa. Seguimos loitando por un baloncesto san que non ten lugar para a discriminación. Sendo certo que nun 90% respéctanse os valores e a competitividade sa, debemos ser conscientes do pequeno porcentaxe que a día de hoxe continúa ensombrecendo o noso deporte e que esperamos poder erradicar canto antes para poder seguir avanzando.
Énchenos de orgullo o papel relevante que de novo temos na Federación Española de Baloncesto
Rematamos coa mesma ilusión coa que comezamos
Debemos mencionar tamén a nosa preocupación polo descenso das licenzas en categorías femininas cando estas chegan a determinada idade, podendo observar como en junior e especialmente en senior o número baixa considerablemente. Esta problemática é sen dúbida un tema que debemos abordar e traballar ata conseguir solucionala e que todas as xogadoras poidan disfrutar do baloncesto compatibilizándoo cos outros aspectos da súa vida.
No marco arbitral, destacamos esta última tempada por unha maior inversión na súa formación, comprometidos a ofrecer sempre unha arbitraxe de calidade con persoal debidamente formado para poder desenvolver da mellor forma posible a súa carreira arbitral.
Rematamos coa mesma ilusión coa que comezamos este 2023/2024 e traballamos desde xa pensando na próxima tempada, na que teremos novos retos e novos obxectivos que cumpriremos un ano máis grazas ao noso traballo de equipo.
Moitas grazas!
JULIO BERNÁRDEZ ÁLVAREZ
RAMÓN LAGO ÁLVAREZ
MIGUEL GONZÁLEZ LÓPEZ MOSQUERA
SUSANA GARCÍA SENRA
DARÍO MARTÍNEZ MÉNDEZ
MIGUEL ÁNGEL PÉREZ PÉREZ
A finais de maio deste ano, celebrábase a primeira Comisión Delegada cos membros elixidos para o ciclo olímpico 2024-2028, tratando temas e novidades importantes nas competiciones FEB como foron a creación da Copa España e o cambio de denominación das ligas masculinas.
Begoña del Río, actual xefa de protección Civil en Santiago de Compostela, conta cunha traxectoria amplamente ligada ao Baloncesto, deporte que sigue sendo protagonista no seu día a día, e que agora sumará na faceta institucional dende a perspectiva federativa.
Lola Oliveira, pola súa banda, accede ao temón da Delegación en Arousa sendo unha perfecta coñecedora da mesma tras 14 anos ao fronte da súa parcela administrativa e con contacto directo coa dinámica deportiva.
Nesta tempada 2023-2024, aumentou o número de partidos case un 10% e reduciuse a porcentaxe de partidos arbitrados por clubs (preminis, fundamentalmente) de 2,60% a 0,8 con respecto á tempada anterior.
O número de licenzas disminuiu lixeiramente, pasando de 693 a 685, o que supón un 1,2% menos que na tempada anterior.
Realizamos un total de 20 cursos de iniciación, dous menos que na tempada 2022-2023 (22), pasando de 275 alumnos a 240.
A porcentaxe de altas é similar (80%), aínda que os cursos con clubes reducíronse en número.
Ademais do exposto, realizáronse Xornadas Técnicas con informes presenciais ata completar un total de 180 informes engadidos complementarios aos realizados por vídeo.
Desta forma, completáronse 378 informes a nivel autonómico.
O Comité Galego de Árbitros estivo representado en play offs de Euroliga, ACB, LEB Oro, EBA, finais e semifinais de Eurocup, Fase Final da Copa do Rei e da Raíña, Final da Liga Feminina, Copa LEB Prata, LF Challenge e LF2…
Alcanzouse o máximo histórico de representantes en Campionatos de España de Clubs cun total de 8 árbitros/as galegos/as.
Campionato de España Infantil e Cadete Seleccións Autonómicas (Huelva, 3-7 xaneiro):
Sergio Álvarez, Víctor G. Wisniowski, Jago Leal, Javier Moya, Helena Paz.
Campionato de España Minibasket Seleccións Autonómicas (San Fernando, 23-27 marzo):
Mateo Alvariño, Ignacio Garbayo.
Campionato de España Junior Masculino e Feminino de Clubs (Huelva, 28 abril-4 de maio):
Jaime Álvarez, Daniel L. Illán, Manuel Seijo.
Campionato de España Cadete Masculino e Feminino de Clubs (San Fernando y Santiago, 19-25 maio):
Sergio Álvarez, Andrés Esteban, Víctor G. Wisniowski, Alberto Mayayo.
Campionato de España Infantil Masculino e Feminino de Clubs (Betanzos y Pontevedra, 2-8 xuño):
Ignacio Garbayo, Javier Moya, Pedro Muñoz.
Campionato de España Minibasket Masculino e Feminino de Clubs (Córdoba y Alhaurín de la Torre, 23-29 de
xuño):
Mateo Alvariño, Daniel Barreiro, Joana Pujades.
Campionato de España U17 3×3 (Punta Umbría, 14-17 xuño):
Álvaro Leis.
Campionato de España Seleccións Autonómicas U15 e U13 (Cartagena, 22-23 xuño):
Álvaro Leis, Unai Ortiz.
Realizáronse un total de 8 test de regras de outubro a maio a nivel autonómico e zonal, tanto para oficiais como para árbitros.
De outubro a abril, realizáronse un total de 7 tarefas técnicas a nivel autonómico: traballos de videotest con aspectos de regras, mecánica arbitral, control de partido e criterio.
Dende outubro a maio, relizamos un total de 4 tarefas bimensuais para oficiais de mesa FEB e ACB.
Realizáronse tamén coaboracións con Institucións Educativas (San José de Cluny, Colexio Liceo A Paz, USC, UVigo…)
Ademais, participamos en actividades conxuntas relacionadas coa arbitraxe co Ministerio de Defensa (Capitanía Xeral e Infantería da Mariña en Ferrol).
A ESGAR desenvolveu o habitual programa educativo, de novo coa colaboración do Colexio San José de Cluny de Santiago de Compostela, superando o curso un total de 25 alumnas e alumnos.
Desenvolvéronse tres Xornadas Técnicas específicas para os cursillistas.
Cun total de 8 clases presenciais, outras 8 telemáticas, 8 traballos específicos de formación arbitral desenvolvidos polos propios alumnos e alumnas, así como unha actividade final nos Campionatos Galegos Mini e Premini na Estrada, onde finaliza o curso coa entrega de diplomas acreditativos aos alumnos e alumnas.
Realizamos un seminario tipo Masterclass en formato en liña coa presenza de l@s tres árbitr@s que participarán nos JJOO de París, proximamente.
Obxectivos do PDC:
Obxectivos:
Organigrama
