Galicia afronta desde este sábado, 12 de abril, a cita máis apaixonante da temporada: o PlanetaMini2025.
O Campionato de España de Seleccións Minibasket reúne en San Fernando (Cádiz) ás 19 Federacións Autonómicas que buscarán desfrutar do Baloncesto co título Nacional en xogo.
Co sistema habitual das últimas tempadas, o Planeta Mini 2025 terá dous días de fase de grupos, con cinco pavillóns en acción, e tres días de segunda fase onde se determinarán os campións e os medallistas desta nova edición. A cita porá o seu peche o 16 de abril.
Os 110 partidos disputaranse en cinco Pavillóns: o Manuel Prado (antigo Bahía Sur), as dúas pistas do Parque, o Enrique Márquez e o Compañía de María.
Os dous primeiros clasificados dos Grupos A, B e C e os líderes dos Grupos D e E clasificaranse para cuartos de final, que se disputarán o luns 14 de abril. Todos os partidos poderanse seguir por CANAL FEB e as semifinais e finais polas redes sociais da Federación Española de Baloncesto.
En categoría masculina, Galicia compite encadrada no Grupo B xunto a Comunidade Valenciana, Extremadura e La Rioja. En feminina, pola súa parte, as nosas comparten Grupo E con Asturias e Euskadi.
CALENDARIO COMPLETO #PlanetaMini2025
GUÍA Oficial do Campionato
Resultados MINI MASCULINO
Resultados MINI FEMININO
