A Copa Galicia nace en 1986 coa primeira edición da competición senior masculina. Na súa xestación participaron os equipos galegos que daquela formaban parte da chamada Primeira División Nacional de Baloncesto: eran o OAR Ferrol, o Club Ourense Baloncesto, o C.A.B. Obradoiro compostelán e máis o Breogán de Lugo. Francisco García Sánchez era entón o presidente da FGB.

O primeiro vencedor foi o CB Breogán, que na actualidade é o club máis laureado da Copa Galicia con 16 campeonatos no seu poder. Dende aquel ano, o torneo senior masculino celebrouse ano tras ano, coa única interrupción do ano 2020, por mor do COVID 19.7

En 1987 naceu o torneo feminino, se ben a súa celebración non se estabilizou ata mediados dos anos noventa. No presente, lidera o palmarés feminino o Real Club Celta Baloncesto. 

Ao longo do tempo, a Copa Galicia foi medrando e abranguendo cada vez máis categorías (Terceira FEB e categorías Base) ata se converter no torneo galego non ligueiro de referencia que é hoxe. 

Convértea tamén en algo especial o celebrar, cada temporada, as seas eliminatorias en distintas vilas e cidades galegas. Trátase dunha Copa que xa é un punto de referencia na pretemporada do clubs galegos, e un nexo de unión entre xogadores e seareiros de todos os recantos da nosa xeografía.