Clínic Deputación Ourense: Ramón Díaz, en el Observatorio Aplicado ao Baloncesto

Ramón Díaz confírmase como unha das principais presenzas no Clínic “Deputación de Ourense”, dentro do espazo do mesmo denominado “Observatorio Aplicado ao Baloncesto”.

Ramón Díaz é un dos mellores expoñentes do desenvolvemento profesional dun adestrador lonxe do seu país. Este técnico granadino ocupa un espazo de privilexio dirixindo a franquía de Capitáns de Ciudad de México, na G-League, liga de desenvolvemento da NBA na que cumpre a súa sétima tempada.

Afincado desde hai 10 anos naquel país, onde combinou o seu traballo neste club coa presenza en selección absoluta mexicana. Cun nivel de adaptación importante e potenciando o desenvolvemento de futuros talentos no paso previo á mellor liga do mundo, a capacidade de Ramón refórzase cada tempada incluíndo novos retos na súa folla de roteiro como é dirixir actualmente a selección masculina U18 de Canadá.

Compartirá vía online no Cíinic de Ourense a súa visión sobre o desenvolvemento do talento cara ao alto rendemento.

Inscrición

A INSCRICIÓN no Clínic Deputación de Ourense continúa aberta, podendo tramitarse por dúas vías e con diferentes opcións de pago. A información completa para este proceso pode consultarse AQUÍ.

A cita terá lugar, en estreita colaboración coa Deputación de Ourense, os vindeiros 28, 29 e 30 de xuño, no Pazo dos Deportes Paco Paz.

Comparte:

Facebook
LinkedIn
Email
WhatsApp
Telegram