A Área Deportiva FGB abre este mes a programación do traballo de tecnificación.
Tras celebrar estes pasados 8 e 9 de outubro as primeiras convoctorias de detección e control a través dos eventos xa coñecidos como PDC, a labor de tecnificación para a presente temporada presenta un total de sete meses coa axenda xa marcada para as diferentes categorías: Premini, Minibasket, Infantil e Cadete.
Galería de Imaxes - Programa de Tecnificación 2022 - 2023
Durante este espazo de tempo, e grazas á colaboración indispensable dos clubs e á dinámica de coordinación dos Responsables Deportivos Zonais das Sete delegacións FGB, levaranse a cabo tanto numerosas citas cos indicados PDCs, como diferentes xornadas baixo formatos tamén xa habituais. Así, non faltarán durante esta temporada 2022 - 2023 as citas coa "Harmonización" e a "Xuntaza".
No documento que se achega detállanse os meses que corresponderán coa realización de cada actividade en concreto. Co avance dos meses perfilaranse as datas excatas para cada unha de elas.
