Os campionatos infantís masculino e feminino de Betanzos e Marín disputarán mañá unha xornada clave. Chegan os cuartos de final e con eles, a emoción e a tensión de saber que equipos comporán o cadro da loita polas medallas.
Remata a fase previa nos dous campionatos e fórmase o ‘bracket’ pola loita polo título. A partir deste martes, eliminatorias a todo ou nada, coa emoción de dous torneos espectaculares que estamos desfrutando en Galicia.
Chega tamén a Fase Final para a 2 División Infantil, tanto feminina como Masculina. Santiago e A Estrada son as sedes escollidas pola FGB para, baixo a súa organización, levar a cabo ambas estas dúas roldas decisivas nas que coñeceremos aos Campións en cada categoría, os cales tamén acadarán praza de ascenso.
A competición celebrase en dobre xornada, ubicando as dúas finais como o prato forte do domingo.
As 2 Divisións Cadetes poñen en xogo a súa fase final esta fin de semana, 12 e 13 de xuño. En dobre xornada, reservando a final para o domingo; os oito equipos clasificados buscarán chegar a esa cita decisiva competindo en dous grupos diferentes que desputarán os seus encontros paralelamente.
Os gañadores de cada Fase resultarán Campións de Liga e acadarán praza de Ascenso.
Galicia volve a ser protagonista. Os Campionatos de España Infantís de Clubs regresan á nosa Comunidade un ano máis para poder facer sentir a todos os participantes a maxia do Baloncesto e a hospitalidade dos seus clubs e concellos organizadores: Marín, en categoría feminina; e Betanzos, Miño, Abegondo e Pontedeume, en masculina.
CAMPIONATO DE ESPAÑA INFANTIL MASCULINO (12/06/21 - 18/06/21- Betanzos, Miño, Pontedeume e Abegondo)
Representación galega: SD TUI Mascató (Campión Galego), Seis do Nadal Coia (Subcampión Galego) e Aringal Basket Ferrol (3 Clasificado).
CAMPIONATO DE ESPAÑA INFANTIL FEMININO (12 - 18/06/21, Marín)
#FEBInfantilF2021
Representación galega: Celta Zorka Recalvi (Campión Galego), Instituto Rosalía (Subcampion Galego) e Porriño BB (3 Clasificado).
Comezan os Campionatos de España de clubs e, nesta ocasión, poderanse ver integramente en CanalFEB, o servizo de ‘ streaming’ da Federación Española de Baloncesto. Máis de 125 partidos en directo en sete días de competición.
Dobre data, dobre sede e dúas prazas de ascenso en xogo na Fase Final de 3 División Masculina. Baixo a organización de CB Artai e CB Seis do Nadal Coia, a rolda final da 3 División Masculina estenderase ao longo da fin de semana, repartida en dous grupos (A e B) competindo en cada caso en formato de semifinais e final.
Baixo a organización de CB Ensino Lugo e con sede en Chantada, ten lugar este sábado a Fase Final da 2 División Feminina. O Campionato Galego ponse en xogo e unése a el o premio de dúas prazas de ascenso para os dous equipos que resulten finalistas da Fase. Ademáis dos propio equipo organizador, buscan esta sorte CB Noia, Bosco Salesianos e Apóstol.
O Concello de A Estrada volve a ser un ano máis a Capital Galega do Minibasket, e neste 2021 encara este título con especial ilusión polo que significa o regreso da gran festa final do Minibasket autonómico tras unha temporada previa sen poder desfrutala.
Nas xornadas de sábado e domingo, 5 e 6 de xuño, reuniranse na vila estradense un total de 12 equipos, seis por categoría, para dar vida á rolda final, repartindo xogo entre as eliminatorias do sábado e as semifinais, terceiros e cuartos postos e as dúas grandes finais dominicais das que sairán os novos campións galegos, e as que poderemos seguir en directo vía FEGABA TV.
Marín e Betanzos serán as sedes dos Campionatos de España Infantil Feminino e Masculino, respectivamente; citas que se celebrarán do 12 ao 18 de xuño e que xa teñen calendario e composición de grupos de primeira fase. De novo, os 32 mellores equipos do país citaranse polo trono nacional en sete días de baloncesto de futuro.
Marín (en categoría feminina) e Betanzos (en masculina) acollerán os encontros en oito pavillóns distintos. O sistema de competición será similar ao das últimas tempadas. Dos primeiros catro grupos pasarán á rolda de oitavos de final os tres primeiros clasificados, e engadiranse os líderes dos catro grupos restantes.
As Competicións Base FGB continúan ampliando o palmarés desta temporada, tocándolle agora a quenda a 1 División Júnior e á 1º División Preinfantil en categoría feminina. As Fases Finais decisorias de estas tres Ligas terán lugar este sábado e domgino, 5 e 6 de xuño; repartindo o xogo en diferentes sedes. Das mesmas resultarán os campións galegos desta 2020 - 2021 e, no caso Júnior, os novos representantes galegos nos Campionatos de España de Clubs.
En cada sede, o acceso aos partidos para o público xeral será limitado, xestionándose o mesmo directamente a través de listado achegado por cada club participante segundo estipule e lle permita cada protocolo concreto en relación ao aforo das instalacións e as medidas sanitarias.
As Seleccións Galegas Infantil e Cadetes comezan unha nova etapa de traballo. A recta final da presente temporada será para elas o punto de inicio dun ciclo de traballo a cargo dun renovado cadro de adestradores.
Os combinados autonómicos destas dúas categorías contarán coa seguinte estrutura técnica, a cal comezará xa a traballar na súa folla de ruta dende esta última fin de semana de maio, coa súa presenza nas Fases Finais FGB que celebramos nestas datas.
As Primeiras Divisións Infatís e Cadetes serán as primeiras competicións base FGB en coñecer o seu palmarés desta temporada. A través das súas correspondentes Fases Finais coñeceremos aso catro novos campións galegos destas categorías e tamén a identidade dos equipos que poderán acceder a participar nos Campionatos de España de Clubs.
Estas Fases Finais celebraranse repartidas entre o sábado e o domingo, 29 e 30 de maio; e contando coa retransmisión en directo, vía FEGABA TV, dos catro partidos finais.
O acceso para o público xeral será limitado, xestionándose o mesmo directamente a través de cada club participante segundo estipule e lle permita cada protocolo concreto en relación ao aforo das instalacións e as medidas sanitarias.
As tres principais competicións de ámbito sénior FGB concentran este domingo, 30 de maio; o remate de toda unha temporada 2020 - 2021 que chega ao seu fin con todo por dilucidar. En tres sedes diferentes, os clubs clasificados repartirán xogo buscando, en cada caso, a opción ao título de Campión Galego, así como as posibilidade de ascenso segundo marcan as Bases de Competición por categoría.
O acceso para o público a cada partido das Fases Finais será limitado, xestionándose o mesmo directamente a través de cada club participante segundo estipule e lle permita cada protocolo concreto en relación ao aforo das instalacións e as medidas sanitarias.
A Asemblea Xeral Ordinaria FGB 2020 - 2021 xa ten marcada a súa data. Concovada baixo a circular oficial FGB nº 29, a citada asemblea terá lugar o vindeiro 21 de xuño en Santiago de Compostela (instalacións do Hotel Congreso) con horario marcado para as 17.30 h en primeira convocatoria e 18.00 h en segunda.
A Federación Española de Baloncesto vén de publicar o calendario do Campionato de España Minibasket 2021, que se disputará na localidade gaditana de San Fernando do 25 ao 29 de xuño.
Tras a suspensión da edición de 2020, o Mini regresa no 2021 nunha sede clásica como é San Fernando e con 17 Federacións Autonómicas loitando polo título de Campión de España.
As Fases de Ascenso FGB Júnior, Cadete, Infantil, Minibasket e Preminibasket xa teñen confirmados o seu número de equipos participantes, o total de clasificados por cada grupo, as datas e, nalgunha categoría concreta, tamén a sede definitiva.
A Federación Galega de Baloncesto, tras traballar en común con representantes dos estamentos FGB (clubs das diferentes zonais FGB, árbitros, adestradores e integrantes da propia estrutura federativa) na denominada "Comisión Técnica Consultiva para a análise e valoración das competicións de 2ª e 3ª División", quere comunicar as conclusións extraídas da mesma.
