Case 300 partidos en directo por CanalFEB. tv para gozar a emoción do Planeta Mini e do KDTINF 2022. Do 9 ao 13 de abril as provincias de Cádiz e Huelva acollen os Campionatos de España de Seleccións Autonómicas (CESA) con, por suposto, a presenza de Galicia.
Regresa o Planeta Mini e con el o Baloncesto en estado máis puro. O Campionato de España de Seleccións Minibasket comeza este sábado, 9 de abril; en San Fernadno (Cadiz) con Galicia preparada para vivilo, como sempre, intensamente.
Chegou o momento!. Tras a súa suspensión na data de celebración inicial, o pasado mes de xaneiro; as Seleccións Galegas Infantís e Cadetes afrontan desde este sábado, 9 de abril; e ata o vindeiro mércores, día 13, o Campionato de España de ambas as categorías.
Federación Galega de Baloncesto e Special Olympics Galicia unen os seus camiños unha temporada máis. Ambas as entidades asinaron este martes, 22 de marzo; un convenio de colaboración polo que estenden a súa relación mutua no ámbito das competicións que promove Special Olympics para achegar o Deporte ás persoas con discapacidade intelectual. O Presidente FGB, Francisco Martín; e o seu Director Técnico do Comité Galego de Árbitros; Miguel Ángel Pérez; recibiron para levar a cabo a rúbrica a Eladio Fernández, máximo representante de Special Olympics.
Novena edición para a Xornada de Harmonización do Minibasket Galego, e de novo co Colexio Manuel Pelteiro como sede. A área Deportiva FGB reunirá este domingo, 20 de marzo, no centro educativo santiagués a un total de 89 xogadores das xeracións 2011 e 2012 para afondar con eles en múltiples aspectos deportivos.
A Secretaría Xeral para o Deporte informa de cambios no Protocolo de comunicación e xestión de casos da Covid-19 no sector deportivo federado que deixan as seguintes novas directrices:
NOVA actualización do Protocolo FISICOVID DXT GALEGO presentada pola Federación Galega de Baloncesto.
Certificadas as listas definitivas de xogadores e xogadoras que representarán a Galicia nos Campionatos de España de Seleccións. A coincidencia no vindeiro mes de abril (do día 9 ao 13) dos nacionais de Seleccións en categorías minibasket, infantil e cadete, reunirá en terras andaluzas as nosas seis seleccións para desfrutar e competir ao máximo nivel.
Novo acordo para o impulso do Baloncesto Base na Delegación FGB en Ourense. A Secretaria Xeral FGB, Susana Fernández; e a responsable da propia Delegación, María Varela; compartiron este xoves unha reunión co Alcalde do Concello de Pereiro de Aguiar, Luis Menor.
Volve a Marín o Torneo de Seleccións Autonómicas Minibasket. Tras un 2021 de ausencia por mor das circunstancias sanitarias, esta cita xa tradicional para as nosas preseleccións galegas celebra esta fin de semana, 26 e 27 de febreiro; a súa VIII edición e, faino, de novo, no Concello de Marín, coa colaboración da propia institución e do club local, Marín Peixegalego.
Día de debut para os colexiados galegos na copa ACB que este ano ten lugar en Granada entre os días 17 e 20 de febreiro. Tras a intensa apertura do torneo, que contou este xoves coa representación galega por parte do CB Breogán, deixando unha grande imaxe na súa derrota ante o Real Madrid (73 - 67); a quenda chega agora para os colexiados galegos Carlos Cortés e Miguel Ángel Perez.
Leyma Natura e Federación Galega de Baloncesto fortalecen a súa unión no marco da promoción e apoio ao Baloncesto Galego. A marca láctea galega e a entidade federativa compartiron na tarde do mércores, 10 de febreiro; unha reunión na que continuar a traballar en accións conxuntas que trasladen ao noso deporte os valores de compromiso, esforzo e traballo que Leyma representa.
A Federación Galega de Baloncesto, da man do seu colaborador tecnolóxico ERIC Sports, traslada aos clubs galegos a posibilidade de acceder a un novo servizo de xestión deportiva e de videoanálisis para a análise técnica e táctica de xogadores e equipos. ERIC Sports, empresa punteira a nivel internacional en solucións de xestión, planificación, analítica de vídeo, Big Data e intelixencia artificial aplicada ao deporte, cede de xeito gratuíta aos clubs FGB, durante seis meses, 50 licenzas da súa plataforma “ERIC Star” e de Sports Data Manager.
Compartimos nova actualizaciónen relación á comunicación oficial de positivos nos equipos:
A Federación Galega de Baloncesto, encabezada polo seu Presidente, Francisco Martín; ao que se suma todo o seu equipo directivo, administrativo e deportivo, desexa trasladar as súas máximas condolencias polo falecemento de Ricardo Hevia, toda unha Institución e Peza Fundamental na Historia do Noso Baloncesto.
Novo ano e novo ciclo de traballo para as Preseleccións Galegas nas súas diferentes categorías. Coa recente suspensión do Campionato de España Infantil e Cadete, provisto nun inicio para estes primeiros días de xaneiro e con nova data marcada entre o 9 e o 13 de abril; a programación deportiva das nosas Seleccións renóvase, sumándose agora estas dúas categorías á estrutura e mapa de acción que o grupo minibasket tiña establecida para este presente mes.
Gran domingo de Baloncesto co que nos agasallou o Torneo Xacobeo 21- 22 3x3 FGB que celebramos en Marín gracias ao apoio de Xacobeo 21 - 22 e Xunta de Galicia; e a indispensable colaboración de Concello de Marín e Club Peixe Fresco.
Todo preparado para o Torneo Xacobeo 21·22 3×3 FGB, que se celebrará este domingo, 26 de decembro; en Marín co patrocinio e apoio do Xacobeo 21·22 e a Xunta de Galicia, e coa colaboración do Concello de Marín do CB Peixe Fresco
Celebramos o Nadal na FGB! Tradicionalmente, cada 22 de decembro, na Federación Galega de Baloncesto vivimos un momento moi especial: a resolución dos premios do Certame da Postal de Nadal. Gracias a este concurso escollemos o deseño co queremos felicitar as festas a todos e todas as federadas e a todas aquelas persoas que sinten paixón polo noso Deporte.
Como medida de precaución #ante o avance da pandemia pola COVID-19, a FEB decidiu trasladar o desenvolvemento dos campionatos ao período comprendido entre o 9 e 13 de abril de 2022, mantendo a provincia de Huelva como sede dos mesmos.
