A Federación Galega de Baloncesto comunica de xeito oficial a lista íntegra dos equipos organizadores e das sedes das Concentracións das Ligas FGB Minibasquet Masculina e Feminina.
O Salón de Plenos do Concello de Marín foi o lugar elixido para celebrar, esta mesma mañá, o sorteo do Campionato de España Junior Masculino, competición que se disputará do 12 ao 18 de maio en Marín, Cambados e Pontevedra.
A zonal santiaguesa FGB abre prazo de inscrición para participar nun novo curso de iniciación dirixido a adestradores e cuxa sede será, nesta ocasión, a localidade de Boiro (CEIP Santa Baia).
Na sede da FEB celebrouse o martes, 30 de abril; o sorteo dos grupos do Campionato de España Júnior Feminino que se disputará en Zaragoza, do 12 ao 18 de maio, e no que por parte galega estarán Real Club Celta de Vigo e Compañía de María, campión e subcampeón FGB, respectivamente.
O mes de maio arrinca coa convocatoria dun xogador da nosa Comunidade cos Talentos Masculinos U13 da Federación Española de Baloncesto. O protagonista: o alero do E.B. Xiria, Enrique Melini Pose.
O Concello de Carballo acolleu esta mañá de venres a presentación do "I Dia Autonómico do Pequebasket", evento que reunirá o vindeiro 17 de maio ,nesta localidade coruñesa, a un total de 300 rapaces (30 equipos) de entre 4 e 8 anos que vivirán toda unha festa do Baloncesto.
Novos nomes súmanse ao palmarés das Ligas FGB 2012 - 2013. A xornada que vimos de deixar atrás recoñeceu matematicamente aos líderes definitivos da categoría cadete, tanto en masculino como en feminino, así como aos protagonistas finais da Primeira División Autonómica Feminina e da Segunda Sénior Feminina.
Calasancias vén de asinar e celebrar, esta mesma fin de semana, o seu título de campión galego da Primeira División Autonómica Feminina, feito polo que recibirá o seu trofeo en vindeiras datas e co que obtén a clasificación directa para disputar a citada Fase Interautonómica.
O Grupo Correo Gallego prepara xa, en colaboración coa Federación Galega de Baloncesto e o Concello de Santiago de Compostela, unha nova edición (X) do DÍA AUTONÓMICO DO MINIBÁSQUET, cita que nesta ocasión terá lugar o vindeiro 8 de xuño, na súa sede xa tradicional: o compostelán pavillón do Multiusos Fontes do Sar.
A convocatoria de participación nesta X edición permanece aberta a todos os equipos de Galicia formados por nenos e nenas nados no ano 2001 e posteriores, cun máximo de 12 xogadores e 2 adultos por cada equipo.
O Comité Galego de árbitros espalla a formación online ao ámbito dos seus oficiais de mesa. O CGAB está a levar a cabo, durante este mes de maio, unha serie de sesións técnicas que, baixo o formato "on line", teñen o obxectivo de unificar e perfeccionar o traballo dos implicados en dous importantes torneos que se celebrarán na nosa comunidade en vindeiras datas: os campionatos de España de Clubs Júnior e Cadete Masculino.
