A Selección Española ha recibido na previa do adestramento deste martes a visita do alcalde de Vigo, Abel Caballero; da presidenta da Deputación de Pontevedra, Carmela Silva; e do Presidente FGB, Julio Bernárdez.
A Selección Española continúa a súa preparación para o Eurobasket en Vigo, onde este xoves debutará no parqué do As Travesas ante Italia no que será o seu primeiro test previo á cita internacional. Este martes, o equipo recibiu o apoio das institucións galegas coas visitas do alcalde da cidade, Abel Caballero, da presidenta da Deputación de Pontevedra, Carmela Silva e do presidente da Federación Galega de Baloncesto, Julio Bernárdez, entre outros.
Por parte FGB tamén compartiron tempo con xogadoras e técnicos os vicepresidentes, Ramón Lago e Susana García; e o Delegado en Vigo, Fernando Pérez.
Tras a sesión de traballo, o grupo tamén sentiu a calor da canteira de Vigo e é que máis dun centenar de xogadores acudiron a presenciar o adestramento e a animar ás compoñentes da Selección antes dos seus primeiros retos da preparación.
Este Mércores, o Complexo Deportivo As Travesas acollerá o primeiro partido do torneo que xogarán China e Italia e o xoves 25 será a quenda da Selección, que se probará ante un posible rival do Eurobasket como é Italia (19:00 horas, Teledeporte). O venres 26 o duelo entre España e China pechará o triangular (20:00 horas, Teledeporte).
