Xa están á venda as entradas para ver á Selección Feminina na súa preparación para o EuroBasket de Eslovenia e Israel. As de Miguel Méndez xogarán dous torneos triangulares en Vigo (24-26 de maio) e Córdoba (2-4 xuño) con rivais de alto nivel internacional. Os dous torneos enmárcanse dentro dos actos do Centenario da FEB.
(Info: DFEB) Vigo será o primeiro cuartel xeral da Selección Feminina. España terá os seus primeiros días de adestramento na localidade galega e disputará o primeiro torneo de preparación no Complexo Deportivo das Travesas. Os rivais serán China, actual subcampión do mundo e número 2 da clasificación; e Italia, un histórico do baloncesto europeo e 16 na clasificación FIBA.
Córdoba volverá ser anfitrioa dun torneo da Selección Feminina. Serán os días 2, 3 e 4 de xuño no Palacio Municipal de Deportes Vista Alegre, onde xa prepararon o anterior EuroBasket de 2021 e o lugar no que se celebrou o partido 300 como internacional de Laia Palau. Os rivais serán Bélxica e Turquía, dous dos grandes equipos continentais que loitarán polas medallas este verán.
En ambos os casos póñense á venda abonos para os tres días que inclúen tres partidos. Os prezos irán desde 10 euros o abono máis barato ata os 30 do máis caro. As entradas pódense adquirir na páxina oficial da FEB
