O Presidente, Julio Bernárdez; e a Secretaria Xeral, Susana Fernández; representaron á Federación Galega de Baloncesto na xuntanza de Presidentes Autonómicos.
A sede da Federación Catalá e o Palacio Real en Barcelona foron os escenarios das primeiras reunións do ano da Comisión Delegada da FEB e os presidentes de Federacións Autonómicas. A Catalá exerceu de anfitrioa, no marco da celebración do seu Centenario.
A xornada arrincou coa recepción do presidente catalán, Ferran Aril, a Jorge Garbajosa. O presidente da FEB, que forma parte do Comité de Honra do Centenario da Federación Catalá, asinou no libro de honra e recibiu un agasallo institucional conmemorativo.
Con posterioridade celebrouse a reunión da Comisión Delegada da FEB, e pola tarde a de Presidentes, no transcurso das cales se fixo un repaso das diferentes actividades deportivas e institucionais celebradas nos últimos meses e as previstas para os seguintes, en especial as enmarcadas no Centenario da FEB, así como do exercicio económico.
O Presidente, Julio Bernárdez; e a Secretaria Xeral, Susana Fernández (Foto :FEB)
Nas súas intervencións, o presidente da FEB, Jorge Garbajosa; expresou aos membros da Delegada e aos Presidentes autonómicos presentes, o seu recoñecemento polo labor realizado e a súa satisfacción polo crecemento global do baloncesto español.
