A Copa Galicia Homenaxe a Vicente “Nino” Santos, estará xa sempre no noso recordo. A cita copeira celebrou na noite do sábado unha Final que, axustada en xogo e vibrante na grada, sumou un trunfo máis aos 13 trofeos cos que xa contaba o CB Breogán.
Na previa deste encontro, a Federación Galega de Baloncesto e Bosco Salesianos, coa colaboración de Concello de Ourense e Deputación de Ourense, realizaron un pequeno e simbólico recoñecemento á figura de Vicente “Nino” Santos. Rodeada polo aplauso dun Pazo que rexistrou un gran ambiente de baloncesto, a súa muller recolleu unha placa de mans do Presidente da Xunta Xestora FGB, Paco Martín; e do Presidente de Bosco Salesianos, Lupicinio Peña. Este será xa un intre que todos, de seguro, gardaremos na memoria.
Final XXXVI Copa Galicia Masculina - Ourense
Pazo dos Deportes "Paco Paz" - 17/09/22
(19:00 h) Monbus Obradoiro e- Río Breogán (79 - 82)
Árbitros: Miguel Ángel Pérez Pérez, Carlos Cortés, Vicente Bultó.
