Deporte Galego

IX Clínic "Lugo é Basket - Hierros Ferreiro"

  • 05 Febreiro 2013 |

Ricard Casas, Gustavo Aranzana e Antonio Pérez configuran este ano o cartel desta nova edición do tradicional clínic lucense, a celebrar os vindeiros 11 e 12 de febreiro.

Por noveno ano consecutivo, a Asociación Xuvenil Sagrado Corazón celebra na cidade da muralla o seu Campus "Lugo é Basket - Hierros Ferreiro", referencia formativa orientada a adestradores que se renova cada temporada.

Contando co apoio da Federación Galega de Baloncesto, entre outras institucións, a edición deste 2013 terá lugar os próximos días 11 e 12 deste mesmo mes.

O Pazo Provincial dos Deportes repetirá como sede para este Clínic, abrindo as súas portas a tres adestradores de auténtico Nivel: Gustavo Aranzana, Ricard Casas e o galego Antonio Pérez.

Repartindo a carga teórica ao longo das dúas xornadas (11 e 12 de febreiro), os tres técnicos afondarán en diferentes aspectos dos que son bos coñecedores: Metodoloxía para a ensinanza da técnica individual, da man de Ricad Casas; Fundamentos Técnico - Tácticos ofensivos no 5x5 con Antonio Pérez: e a Defensa 1-3-1 e as Series curtas e largas no xogo de ataque a través da experiencia de Gustavo Aranzana.

A presenza no total destas intervencións poderán validarse por 8 horas de formación continua para os actuais alumnos dos cursos de adestradores da FGB. Un diploma acreditativo da participación neste IX Clínic ratificará este dato.

Proceso de Inscrición
A Asociación Xuvenil Sagrado Corazón ofrece a posibilidade de inscribirse cun prezo de 40 euros polo total da actividade, pago que inclúe o material e as planillas oficiais do Clínic.

Nos documentos que se achegan pode descargarse a solicitude oficial de inscrición, na que se especifican, á súa vez, os horarios concretos establecidos para cada charla.

volver arriba

Colaboradores Institucionales

 Concello de Santiago LOGO NON  Captura de pantalla completa 30032016 181327  158573631 3698522630239682 385709146731840444 n concello novo  Captura de pantalla completa 28042016 194652    dgan
lugo

logo-deputacion-ourense

 

logo DEPUTACION PONT Deputación da Coruña logouvigo
 

 


   

Colaboradores FGB

  balon oficial 

gadis