Deporte Galego

A FGB e os clubs galegos unen forzas na promoción da arbitraxe

  • 07 Febreiro 2017 |
A FGB e os clubs galegos unen forzas na promoción da arbitraxe
Julio Feijoo e Miguel Ángel Pérez pechan o convenio FGB - Carmelitas (Foto: Carmelitas Vedruna)

A Federación Galega de Baloncesto dá un paso máis na proxección da arbitraxe. A entidade federativa, a través do seu Comité de Árbitros, estrea un programa de captación activa de árbitros e oficiais de mesa a través dos clubs galegos.

Baixo acordos de colaboración mutua, a FGB e diferentes clubs da Comunidade porán en marcha este mecanismo de fomento da área de árbitros e oficiais para o baloncesto autonómico.

Os clubs Carmelitas Vedruna e Bosco Salesianos estrean este martes, sete de febreiro, esta campaña de promoción, asinando, en ambos caso, sendos convenios na busca de accións inminentes de traballo en prol da promoción da arbitraxe.

A rúbrica de ambos documentos celebrouse esta mañá na cidade das Burgas da man do secretario de Carmelitas Vedruna; Julio Feijoo; e, no caso da Agrupación Deportiva Bosco, por parte do seu Presidente, Mariano Castaño. A sinatura federativa materializouna por partida dobre o Director Técnico do Comité Galego de Árbitros, Miguel Ángel Pérez.

20170207 114059

Mariano Castaño, Presidente da Agrupación Deportiva Bosco, sellando o acordo coa FGB

Esta paso dado na Delegación de Ourense contará tamén con réplicas e apoios noutras zonas de Galicia, nas que diferentes clubs manteñen xa conversas coa FGB para entrar de cheo a formar parte desta iniciativa.

Promoción, in situ
O Director Técnico do GACB e colexiado oficial FIBA, Miguel Ángel Pérez; aproveitou a súa visita este martes a Ourense para trasladar a promoción directamente, en persoa, a os alumnos e alumnas do Colexio Salesianos.

P1010564

Xunto a eles, e acompañado tamén polo colexiado ourensán Guillermo Ríos; afondou, en dúas sesións diferenciadas, na labor do árbitro e dos oficiais de mesa, dando a coñecer os principais alicientes e motivacións que rodean a este colectivo, imprescindible para o baloncesto e o Deporte.

 

volver arriba

Colaboradores Institucionales

 Concello de Santiago LOGO NON  Captura de pantalla completa 30032016 181327  158573631 3698522630239682 385709146731840444 n concello novo  Captura de pantalla completa 28042016 194652    dgan
lugo

logo-deputacion-ourense

 

logo DEPUTACION PONT Deputación da Coruña logouvigo
 

 


   

Colaboradores FGB

  balon oficial 

gadis

 

ence