O Comité Galego de Árbitros renova a súa aposta pola captación. O colexio arbitral da FGB, da man de CaixaBank como seu principal patrocinador, inaugurou este luns, 7 de novembro; o seu proxecto de detección de árbitros e oficiais de mesa, unha campaña que visitará preto dun centenar de colexios de toda Comunidade Autónoma para conversar cos estudantes sobre baloncesto e arbitraxe.
A estrea deste proxecto tivo lugar na cidade de Vigo, sede ata a que se desprazou o director técnico do Comité Galego de Árbitros, Miguel Ángel Pérez; para compartir cos alumnos de 3º e 4º de Educación Secundaria do Colexio NS Esperanza os valores que a arbitraxe e a labor dos oficiais de mesa fomentan: Deportividade, respecto ás normas e traballo en equipo.
Pérez Peréz trasladoulles aos rapaces e rapazas a súa experiencia como colexiado internacional e o esforzo, traballo diario e satisfacción que supón crecer dende a base nunha tarefa como é a da arbitraxe.
Esta xuntanza mantida pola cabeza do CGAB con escolares galegos é a primeira dun amplo programa de visitas a centros escolares que, de xeito inmediato, recalará agora en A Coruña, o vindeiro día 18 de novembro nos Institutos Agra do Orzán e IES Monte Moas.
