A Delegación FGB en Arousa activa o seu Curso de Formación en Iniciación 2016 - 2017 para adestradores, marcado no calendario para as última datas do mes de abril.
A zonal federativa celebrará esta cita en cuestión coa xa habitual carga lectiva repartida en presencial e non presencial, cumprindo co seguinte programa temporal e con sede física no Concello de Marín:
Delegación Arousa - Curso de Iniciación abril/maio 2017
Formación Non Presencial (Vía Plataforma on line FGB): inicio o 17/04/2017.
Formación presencial: 29 - 30/04/17 e 01/05/2017. Sede: Colexio San Narciso (Marín)
Inscrición: aberta ata o 11/04/2017
Os interesados en tramitar a súa inscrición deben xestionala a través da Delegación de Arousa. Para iniciar o proceso será preciso executar o pago da cota de preinscrición (200 euros - Caixabank: ES96 2100 1455 14 0200227406), taxa que inclúe matrícula das convocatorias ordinarias, docencia, atención titorial, certificación de diplomas, documentación do curso e material didáctico.
Posteriormente a delegación deberán recibir vía mail o xustificante deste ingreso, así como o formulario de inscrición preciso: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
Programa de Bolsas
A Federación Galega de Baloncesto mantén activo un programa de bolsas económicas para a matrícula neste cursos. Todos os alumnos dos mesmos poderán optar a axudas sempre que sexan nados no ano 1995 ou posteriores, residentes en Galicia e resulten APTOS en primeira convocatoria.
Nos documentos que se achegan remítense as bases e información concreta tanto para a realización do curso, como para a solicitude das bolsas. Así mesmo, no apartado FORMACIÓN en INICIACIÓN atópanse todos os datos precisos.
