Deporte Galego

Cuberta con Satisfacción a "I Xuntanza de Seleccións Zonais Minibasket"

  • 09 Decembro 2013 |

160 nenos e nenas de toda Galicia contribuíron este sábado en Santiago á celebración da “Xuntanza de Seleccións Zonais de Minibaket”, xornada clave establecida pola FGB para comprobar as evolucións competitivas e técnicas dos xogadores e xogadoras en idade Mini que veñen participando nos distintos Centros de Tecnificacións Zonais 2013 – 2014.

Baixo o formato de “competición amigable”, un total de 16 combinados zonais, con 10 xogadores por equipo, enfrontáronse entre si e trasladaron as súas habilidades deportivas ás tres pistas de xogo habilitadas para a ocasión no Pavillón do Restollal.

As sete delegacións zonais FGB (Coruña, Lugo, Vigo, Ferrol, Santiago, Arousa e Ourense) e as divisións locais de A Mariña (masculino) e Arousa Norte (feminino) estiveron representadas nesta Xuntanza, na que participaron tamén os Seleccionadores Galegos en categoría Minibasket, Fernando Buendía (masculina) e Nacho Silva (feminina) observadores atentos das calidades deportivas dos xogadores convocados.

A valoración deportiva dos técnicos, a aprendizaxe por parte dos máis novos e o sempre necesario punto de convivencia e diversión, conformaron a primeira edición desta Xuntanza, cuxos participantes poden ollarse na súa GALERÍA DE IMAXES correspondente.

Colaboracións
A Área Deportiva da FGB desexa agradecer a colaboración dos clubs, dos adestradores convidados e dos colexiados Sub 23 representantes do CGAB responsables, en grande medida, de que esta Xornada resultase un éxito deportivo.

Así mesmo, agradecer a colaboración do Concello de Santiago pola cesión das instalacións do Pavillón do Restollal, perfectas para levar a cabo un evento destas características.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka