Deporte Galego

O Clinic de Pretemporada CGAB adapta o seu formato á situación sanitaria

O Comité Galego de Árbitros abre a temporada 2020 - 2021 coa convocatoria do seu Clínic de Pretemporada. Esta actividade, xa tradicional, celebrarase alternativamente os vindeiros 29 e 30 de agosto e farao marcada pola realidade sanitaria, ofrecendo un formato diferente ao de anteriores anos.

Co obxectivo primordial de poder cumprir os protocolos sanitarios pertinentes, a edición 2020 do Clínic dividirase en tres localizacións diferentes e alternará contido online e parte presencial, sempre que a situación sanitaria e as directrices das institucións pertinentes o permitan nesas datas. Lugo (o 30 de agosto), Santiago e Vigo  (o 29 de agosto en ambos os casos) son as tres sedes elixidas. Nelas repartiranse por proximidade xeográfica os 68 árbitros que integran os Grupos 1, Dispoñibles do Grupo 1 e Grupo Sub 23 do propio CGAB.

Competicións FGB: a situación deportivo - sanitaria, no obxectivo

A Federación Galega de Baloncesto segue coa maior atención a evolución da situación sanitaria actual na busca de marcar os criterios de inicio da temporada autonómica 2020 - 2021, vinculados estes ás decisións e directrices que se tomen por parte das Institucións sanitarias e deportivas pertinentes. A través dunha intervención que vos traslamos en imaxes, o Presidente FGB, Francisco Martín, detalla o contacto directo e continuo que mantén coa Federación Española de Baloncesto, e a importancia, nesta liña, dunha data, a do 24 de agosto. Neste día está marcada unha reunión entre o Consello Superior de Deporte e Federacións de Deportes que implican contacto.

Ligas FGB 2020 - 2021: Listados oficiais de equipos inscritos

 A Federación Galega de Baloncesto comunica, vía circulares oficiais, a relación de equipos que, unha vez rematado o prazo para este proceso ás 13.00 h deste luns, 3 de agosto; presentaron a súa solicitude de inscrición nas seguintes competicións para a temporada 2020 - 2021:
1ª División Masculina
1ª División Autonómica Feminina
2ª División Sénior Masculina
1ª División Júnior, Cadete e Infantil (masculinas e femininas).

A 1º División Feminina Grupo A xa ten calendario

 A 1º División Nacional Feminina Grupo Norte xa coñece o seu calendario. A competición, que nesta temporada recupera a fórmula de participación conxunta de principio a fin das catro Federacións implicadas, pon en marcha a súa conta atrás coa publicación da súa ruta de xogo, a cal dará inicio o vindeiro 29 de setembro, sempre que a situación sanitaria e as directrices das institucións permitentes o autoricen.

Regulamento Minibasket e Preminibasket 2020 - 2021

A Federación Galega de Baloncesto fai público o Regulamento actualizado para as Competicións de categoría Minibasket e Preminibasket que rexerá xa vindeira temporada 2020 - 2021. Trátase dun Regulamento baseadao na adaptación realizada sobre as Regras Oficiais da FIBA do 16 de xuño de 2018, e inclúe tamén os cambios FIBA 2020, á espera de que o Regulamento FIBA 2020 se publique ao completo.

Pode consultarse xa no apartado NORMATIVA.

O inicio das Competicións FGB 2020 - 2021, pendente da situación sanitaria

A Federación Galega de Baloncesto vén de consultar á Secretaría Xeral para o Deporte as posibilidades de regreso á competición para as súas Ligas 2020 – 2021. Francisco Martín, Presidente da FGB; trasladou esta cuestión ao Secretario Xeral para o Deporte, José Ramón Lete, no marco da xuntanza organizada pola propia Secretaría na tarde do luns, 27 de xullo; cos representantes das 58 federación galegas deportivas.

Normativa FGB: 2020 - 2021

A Normativa oficial da Federación Galega de Baloncesto para as competicións da nova temporada 2020 - 2021 xa se atopan ao completo para a súa consulta e descarga.

Asemblea Xeral FGB: aprobada a normativa 2020 - 2021

A Federación Galega de Baloncesto celebrou na tarde do mércores, 15 de xullo, a súa Asemblea Xeral Ordinaria dunha temporada, a 2019 – 2020, marcada pola irrupción da COVID19 en todos os ámbitos. Con sede en Santiago de Compostela; 38 asembleístas dun total de 72 convocados compareceron para coñecer en primeira persoa as memorias da actividade de cada área de traballo FGB, así como someter a votación, previo intercambio de opinións, as emendas presentadas a Normativa para a nova temporada 2020 – 2021, sempre supeditada esta aos escenarios sanitarios que marquen as autoridades. 

85.000 euros para o Baloncesto Galego

 

A Federación Galega de Baloncesto destinará esta cantidade para comezar a impulsar a nova temporada de Baloncesto en Galicia marcada pola situación de emerxencia sanitaria e parón total vivido coa chegada da COVID 19.

 

CAD Manuel Peleteiro - FGB: Ferramentas, capacidade e coñecemento

O Centro de Actividades Deportivas (CAD) Manuel Peleteiro - FGB está inmerso en pleno proceso de inscricións dous seus alumnos para ou curso académico 2020 - 2021. Os interesados en dar o paso na súa formación integral como adestradores a través deste Ciclo, promovido e organizado man a man pola Federación Galega de Baloncesto e ou Colexio Manuel Peleteiro teñen ata o vindeiro 6 de xullo para tramitar a súa matrícula.

 Este CAD 2020 - 2021 contará coa estrutura didáctica de Ciclo Inicial de Grado Medio e Ciclo Final de Grado Medio, estadíos ambos que permiten percorrer un camiño preciso para obter as titulacións oficiais de adestradores non ámbito académico.

 

Ampliación da actividade presencial nas oficinas FGB

A chegada do mes de xullo trae consigo un novo horario para a atención ao público nas sedes físicas da FGB. A Federación Galega de Baloncesto continúa na súa situación de ERTE parcial e, respectando en todo caso as medidas sanitarias e de precaución precisas, manterá neste periodo estival o seguinte plan de traballo presencial:

A Unión de Federacións Deportivas de Galicia (UFEDEGA) fai un chamamento a todas as institucións para que continúen apoiando ao Deporte post COVID-19

A Unión de Federacións Deportivas Galegas (UFEDEGA) presentou este xoves aos medios de comunicación e a través dunha rolda de prensa telemática un manifesto a través do cal fai un chamamento a todas as institucións tanto privadas como públicas, nacionais, autonómicas, provinciais ou locais sobre a importancia e a necesidade de seguir apoiando ao deporte nestes momentos tan duros para todos e todas.

O CGAB reúne a tres referentes internacionais para unha nova mesa redonda online

O Comité Galego de árbitros non detén a súa parcela formativa virutalk e promove para este martes, 9 de xuño (20.30 h); unha nova cita virtual baixo o formato de mesa redonda. Coa evolución da arbitraxe na última década como tema principal, o CGAB reunirá nas pantallas a tres convidados de máximo nivel internacional, máis que axeitados para conversar dende diferentes perspectivas sobre a temática escollida e baixo a labor moderadora do Director Técnico CGAB, Miguel Ángel Pérez.

Ratificados os ascensos na 1º División Masculina e 1º Autonómica Feminina

Definida a identidade dos equipos que se adxudican as dúas prazas de ascenso vixentes en 1º División Masculina FGB e 1º Autonómica Feminina FGB, respectivamente.

Tras a solicitude das mesmas por parte de diferentes equipos en tempo e forma, e tras reunión da Comisión Delegada FGB celebrada este pasado luns, 25 de maio; a FGB dá a coñecer o nome dos clubs que se fan con estas prazas e co correspondente ascenso de categoría para a vindeira 2020 – 2021.

Reapertura parcial de oficinas na FGB

Regresa a actividade ás oficinas da Federación Galega de Baloncesto. Respectando as medidas sanitarias e de precaución precisas e necesarias, a sede central da Federación Galega de Baloncesto, así como as súas Delegacións en Ourense e A Coruña abren as súas portas a partir do luns, 25 de maio.

Comunicado oficial: 1º División Feminina Grupo Noroeste

As Federacións Autonómicas de Baloncesto de Asturias, Cantabria, Castela e León e Galicia alcanzaron un acordo segundo o cal, polo menos durante o próximos catro anos, a 1ª División Nacional Feminina disputarase de principio a fin de forma conxunta.

Peche definitivo para as competicións 2019 - 2020

 A Federación Galega de Baloncesto dá por concluída a temporada 2019 - 2020. A entidade federativa, tras finiquitar a consulta realizada á súa Asemblea Xeral, na que se lle cuestionaba sobre o criterio de actuación respecto a todas as competicións vixentes ante o escenario de alerta sanitaria e estado de alarma, comunica que estas finalizan de xeito definitivo.

 

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka