Deporte Galego

Fases Finais FGB: A 3 División Masculina dirime os seus ascensos

Dobre data, dobre sede e dúas prazas de ascenso en xogo na Fase Final de 3 División Masculina. Baixo a organización de CB Artai e CB Seis do Nadal Coia, a rolda final da 3 División Masculina estenderase ao longo da fin de semana, repartida en dous grupos (A e B) competindo en cada caso en formato de semifinais e final. 

Fases Finais FGB: A festa final do Minibasket Galego regresa á Estrada

O Concello de A Estrada volve a ser un ano máis a Capital Galega do Minibasket, e neste 2021 encara este título con especial ilusión polo que significa o regreso da gran festa final do Minibasket autonómico tras unha temporada previa sen poder desfrutala.

Nas xornadas de sábado e domingo, 5 e 6 de xuño, reuniranse na vila estradense un total de 12 equipos, seis por categoría, para dar vida á rolda final, repartindo xogo entre as eliminatorias do sábado e as semifinais, terceiros e cuartos postos e as dúas grandes finais dominicais das que sairán os novos campións galegos, e as que poderemos seguir en directo vía FEGABA TV.

 

Sorteados os grupos e o calendario dos Campionatos de España Infantís

Marín e Betanzos serán as sedes dos Campionatos de España Infantil Feminino e Masculino, respectivamente; citas que se celebrarán do 12 ao 18 de xuño e que xa teñen calendario e composición de grupos de primeira fase. De novo, os 32 mellores equipos do país citaranse polo trono nacional en sete días de baloncesto de futuro.

Marín (en categoría feminina) e Betanzos (en masculina) acollerán os encontros en oito pavillóns distintos. O sistema de competición será similar ao das últimas tempadas. Dos primeiros catro grupos pasarán á rolda de oitavos de final os tres primeiros clasificados, e engadiranse os líderes dos catro grupos restantes.

Fases Finais FGB: Novos campinos Galegos en categoría Júnior e Preinfantil

As Competicións Base FGB continúan ampliando o palmarés desta temporada, tocándolle agora a quenda a 1 División Júnior e á 1º División Preinfantil en categoría feminina. As Fases Finais decisorias de estas tres Ligas terán lugar este sábado e domgino, 5 e 6 de xuño; repartindo o xogo en diferentes sedes. Das mesmas resultarán os campións galegos desta 2020 - 2021 e, no caso Júnior, os novos representantes galegos nos Campionatos de España de Clubs.

En cada sede, o acceso aos partidos para o público xeral será limitado, xestionándose o mesmo directamente a través de listado achegado por cada club participante segundo estipule e lle permita cada protocolo concreto en relación ao aforo das instalacións e as medidas sanitarias.

Novo cadro técnico paras as Seleccións Galegas Infantís e Cadetes

As Seleccións Galegas Infantil e Cadetes comezan unha nova etapa de traballo. A recta final da presente temporada será para elas o punto de inicio dun ciclo de traballo a cargo dun renovado cadro de adestradores.

Os combinados autonómicos destas dúas categorías contarán coa seguinte estrutura técnica, a cal comezará xa a traballar na súa folla de ruta dende esta última fin de semana de maio, coa súa presenza nas Fases Finais FGB que celebramos nestas datas. 

 

 

Fases Finais FGB: Infantís e Cadetes deciden palmarés

As Primeiras Divisións Infatís e Cadetes serán as primeiras competicións base FGB en coñecer o seu palmarés desta temporada. A través das súas correspondentes Fases Finais coñeceremos aso catro novos campións galegos destas categorías e tamén a identidade dos equipos que poderán acceder a participar nos Campionatos de España de Clubs. 

Estas Fases Finais celebraranse repartidas entre o sábado e o domingo, 29 e 30 de maio; e contando coa retransmisión en directo, vía FEGABA TV, dos catro partidos finais.

O acceso para o público xeral será limitado, xestionándose o mesmo directamente a través de cada club participante segundo estipule e lle permita cada protocolo concreto en relación ao aforo das instalacións e as medidas sanitarias.

 

Fases Finais FGB: os campionatos galegos e os ascensos, en xogo este domingo

 As tres principais competicións de ámbito sénior FGB concentran este domingo, 30 de maio; o remate de toda unha temporada 2020 - 2021 que chega ao seu fin con todo por dilucidar. En tres sedes diferentes, os clubs clasificados repartirán xogo buscando, en cada caso, a opción ao título de Campión Galego, así como as posibilidade de ascenso segundo marcan as Bases de Competición por categoría. 

O acceso para o público a cada partido das Fases Finais será limitado, xestionándose o mesmo directamente a través de cada club participante segundo estipule e lle permita cada protocolo concreto en relación ao aforo das instalacións e as medidas sanitarias.

Galicia xa ten rivais para o Mini 2021

A Federación Española de Baloncesto vén de publicar o calendario do Campionato de España Minibasket 2021, que se disputará na localidade gaditana de San Fernando do 25 ao 29 de xuño.
Tras a suspensión da edición de 2020, o Mini regresa no 2021 nunha sede clásica como é San Fernando e con 17 Federacións Autonómicas loitando polo título de Campión de España.

 

Fases de Ascenso FGB: datas de xogo e número de equipos

As Fases de Ascenso FGB Júnior, Cadete, Infantil, Minibasket e Preminibasket xa teñen confirmados o seu número de equipos participantes, o total de clasificados por cada grupo, as datas e, nalgunha categoría concreta, tamén a sede definitiva.

Comisión Técnica Consultiva para a análise e valoración das competicións de 2ª e 3ª División

  • 12 Maio 2021 |
  • Sección: Clubs

A Federación Galega de Baloncesto, tras traballar en común con representantes dos estamentos FGB (clubs das diferentes zonais FGB, árbitros, adestradores e integrantes da propia estrutura federativa) na denominada "Comisión Técnica Consultiva para a análise e valoración das competicións de 2ª e 3ª División", quere comunicar as conclusións extraídas da mesma.

 

O CAD Manuel Peleteiro FGB cita aos adestradores galegos

O CAD Manuel Peleteiro - FGB abre as súas portas na súa xornada de clausura. Este domingo, 16 de maio, o Ciclo formativo que organizan a Federación Galega de Baloncesto e a entidade educativa compostelá pecha o seu curso 2020 – 20201 cun nutrido grupo de actividades que, na súa franxa de tarde, quere abrir a todos os adestradores autonómicos e facelo de xeito presencial.

O mellor Baloncesto Nacional Infantil Feminino regresa a Marín

Marín será o emprazamento para o Campionato de España de Clubs de Baloncesto Infantil Feminino. O vindeiro mes de xuño, os 32 mellores equipos desta categoría chegarán dende todo o país ata esta localidade, convertida xa, tras ser sede nos tres últimos anos de xeito consecutivo e tamén noutras ocasións no pasado; no escenario perfecto para acoller eventos de baloncesto base de ámbito nacional.

Reactivamos a formación en iniciación para Adestradores

A Formación en Iniciación para Adestradores regresa por fin nesta temporada 2020 - 2021. A Área Deportiva FGB presenta a programación neste nivel para o ciclo deportivo actual, o cal, a pesar de estar marcado inevitablemente polas limitación marcadas pola COVID19, pode ofrecer xa tres novas alternativas formativas para os adestradores que comezan a súa traxectoria.

As PreSeleccións Galegas Minibasket, en directo

Primeira fin de semana de maio, e primeiros encontros amigables para as Seleccións Galegas de Minibasket dende fai xa máis dun ano. Na localide de Marín, sede habitual para o traballo das Preseleccións FGB, reúnense nesta xornada dominical os dous combinados galegos Mini xunto aos seus homónimos asturianos para celebrar catro encontros amigables, dos cales poderemos seguir dous (os da franxa horaria da mañá) en DIRECTO vía FEGABA TV. 

 

Canceladas as Finais da Copa Galicia de Baloncesto 2020 - 2021

A Copa Galicia de Baloncesto 2020 - 2021 non celebrará as súas finais. A competición copeira que cada ano organiza a Federación Galega de Baloncesto tiña pendente a disputa dos seus encontros decisivos, tanto o feminino como o masculino; citas que tradicionalmente se celebran ao inicio de cada temporada regular pero que na presente tiveron que retrasarse en varias ocasións por mor da situación sanitaria.

Preseleccións Minibasket: segunda Cita en Marín cos adestramentos

Segunda concentración para o novo grupo de traballo das Preseleccións Galegas Minibasket. A Área Deportiva FGB cita este domingo, 18 de abril; de novo no Colexio San Narciso, en Marín, a dous novos grupos de xogadores e xogadoras que se exercitarán ao longo de toda a xornada dominical.

CAD Manuel Peleteiro - FGB activa a oferta formativa para a temporada 2021 - 2022

O CAD Manuel Peleteiro FGB inicia o camiño cara a temporada 2021 - 2022. O Ciclo de Actividades Deportivas que organizan conxuntamente o Colexio Manuel Peleteiro e a Federación Galega de Baloncesto abre o vindeiro luns, 19 de abril; o proceso de preinscrición para os tres estadíos formativos que impartirá nesta nova etapa: Ciclo Inicial Grado Medio, Ciclo Final Grado Medio e, a incorporación nesta temporada: o Ciclo Final de Grado Superior.

Colaboradores Institucionales

 Concello de Santiago LOGO NON  Captura de pantalla completa 30032016 181327  158573631 3698522630239682 385709146731840444 n concello novo  Captura de pantalla completa 28042016 194652    dgan
lugo

logo-deputacion-ourense

 

logo DEPUTACION PONT Deputación da Coruña logouvigo
 

 


   

Colaboradores FGB

  balon oficial 

gadis

 

ence