Deporte Galego

IV Torneo "Basket sen Barreiras"

(Info: C.b. Nigrán) Club Baloncesto Nigrán e Federación Galega de Baloncesto organizan a cuarta edición do "Torneo Basket sen Barreiras" que se celebrará os días 26 e 27 de marzo no pavillón do Colexio de Panxón cun dobre obxectivo: romper obstáculos sociais a través do deporte e recadar fondos para entregar ao Centro Juan María co fin de colaborar na oferta de servizos e novos proxectos para as persoas con discapacidad intelectual.

 

VI Xornada de Harmonización do Minibasket Galego

Chega unha nova edición para a “Xornada de Harmonización do Minibasket Galego”. Por sexta temporada consecutiva, a área deportiva FGB aposta por unha cita na que abordar o Minibasket dende múltiples puntos de vista coa implicación de protagonistas pertencentes a diferentes áreas de actuación no marco do baloncesto e da práctica deportiva en xeral.

Actívase o proceso electoral para as Eleccións FGB

A Federación Galega de Baloncesto, co fin de dar cumprimento ao Decreto 16/2018 de 15 de febreiro, comunica o inicio oficial do Proceso Electoral para as eleccións a membros da Asemblea, Comisión Delegada e Presidente desta Federación.

A "Aula Formativa do Adestrador" chega a Ferrol

O programa “Aula Formativa do Adestrador” celebra este domingo, 4 de marzo; a súa segunda convocatoria da temporada 2017 - 2018. Elixindo neste caso Ferrol como sede, o departamento de adestradores a FGB propón unha dobre charla didáctica, orientada a todos aqueles adestradores que desexen escoitar en persoa a Sandra Prieto, adestradora axudante no Star Center Universitario Ferrol (Liga Feminina); e Diego Fernández, adestrador do equipo EBA de Santo Domingo de Betanzos.

Triple oco na axenda para o "BabyBasket"

A competición “Babybasket” mantén o seu alto ritmo, característica súa nesta temporada 2017 – 2018, que esta a ser a da súa consolidación. Tres convocatorias novas sumaranse este domingo, 25 de febreiro; a un calendario zonal que, se nada se torce, vivirá unha gran festa final, a nivel autonómico, o vindeiro mes de xuño.

Galería de Imaxes: Babybasket 2017 - 2018

A FGB espalla a súa rede de colaboradores

A Federación Galega de Baloncesto amplía o seu campo de colaboradores na cidade de Ourense. O Presidente FGB, Francisco Martín, asinou esta mañá de xoves, 22 de febreiro; un acordo de traballo co Colexio María Auxiliadora- Salesianos de Ourense co obxectivo de poder ampliar a celebración en Ourense das actividades relacionadas cos diferentes ámbitos do Baloncesto.

Designacións CGAB para o Campionato de España de Seleccións Minibasket

O Comité Galego de Árbitros oficializa a designación dos colexiados que representarán a Galicia no vindeiro Campionato de España de Seleccións Autonómicas Minibasket, competición que concentrará o seu protagonismo, como cada ano, na localidade andaluza de San Fernando entre os días 24 e 28 de marzo do presente 2018.

Dous colexiados galegos na Copa do Rei de Baloncesto en cadeira de rodas

(Fonte: FEDDF) A comisión nacional de xuíces e árbitros da Federación Española de Deportes de Persoas con Discapacidade Física deu a coñecer o pasado venres, 16 de febreiro; aos doce árbitros que dirixirán todos os encontros correspondentes á fase final da Copa do Rei de Baloncesto en Cadeira de Rodas a disputar o 24 e 25 de febreiro na vila de Burgos.

V Torneo de Seleccións Autonómicas Minibasket "Concello de Marín": resultados

Concello de Marín e Federación Galega de Baloncesto, co apoio do CB Peixefresco Marín; organizan o “V Torneo de Seleccións Autonómicas Minibasket Concello de Marín”, cita que un ano máis, o terceiro de xeito consecutivo; reune nesta vila ás preseleccións de Euskadi, Asturias, Castilla León e a propia "anfitrioa, Galicia. 

Galería de Imaxes: “V Torneo de Seleccións Autonómicas Minibasket Concello de Marín”

V Torneo de Seleccións Autonómicas Minibasket "Concello de Marín"

Concello de Marín e Federación Galega de Baloncesto, co apoio do CB Peixefresco Marín; presentaron oficialmente nesta mañá de martes o “V Torneo de Seleccións Autonómicas Minibasket Concello de Marín”, cita que un ano máis, o terceiro de xeito consecutivo; encherá esta vila do mellor baloncesto dos xogadores e xogadoras máis novos.

Este V Torneo enmárcase dentro do convenio de colaboración que Federación Galega de Baloncesto e Concello de Marín teñen en común na presente temporada, e que aproveitaron para rubricar no acto deste martes.  

Regresa a "Aula Formativa do Adestrador"

A Área Deportiva FGB recupera o formato “Aula Formativa do Adestrador”, abrindo de xeito inminente a primeira destas citas no marco da presente temporada 2017 – 2018.

Adestradores: novas propostas formativas para o nivel “iniciación”

As Delegacións FGB en Ourense e Coruña abren sendas convocatorias didácticas orientadas á iniciación para adestradores. Marcadas en ambos os casos para realizarse de xeito completo durante o mes de febreiro, e coa carga lectiva correspondente ao nivel de iniciación indicado para esta temporada 2017 – 2018, esta dobre cita coa formación articularase baixo o seguinte programa:

O Babybasket amplía territorio

Colexios pertencentes a localidades como O Incio, Paradela ou Oural, na provincia de Lugo; e varios clubs das provincias da Coruña e Pontevedra, tanto da zonal FGB de Santiago como de Ferrol, terán a oportunidade esta fin de seman de recoller a testemuña do Babybasquet, competición que continúa a espallar as boas sensacións en cada unha das súas paradas, cada vez abarcanado un territorio maior. 

Galería de Imaxes: Babybasket 2017 - 2018

Formación arbitral en iniciación: catro convocatorias presenciais

O Comité Galego de Árbitros retoma a labor de formación de carácter presencial e pon en marcha, de cara ao mes de febreiro, catro convocatorias para os seus cursos de iniciación árbitral.

As delegacións de Lugo, A Coruña, Ferrol e Santiago son as protagonistas desta oferta formativa, que se formulará con carácter presencial, aberto e completamente de balde para todas aquelas persoas vinculadas aos clubs de cada zona.

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka