Deporte Galego

"Aula Formativa do Adestrador Galego de Baloncesto"

Federación Galega de Baloncesto e Obradoiro CAB presentaron oficialmente este venres a "Aula Formativa do Adestrador Galego de Baloncesto", iniciativa común que ambas entidades emprenden neste mes de outubro e que funcionará como plataforma formativa para os adestradores galegos.

Actividade Técnica do CGAB na Delegación Coruñesa

O Comité Galego de Árbitros está a espallar o seu programa de traballo ao longo das diferentes delegacións FGB, reforzando as actividades do mesmo a través da xestión dos diferentes coordinadores zonais e de colaboradores habituais.

Establecimientos Otero, Campión da Copa Galicia EBA

Establecimientos Otero derrotou esta tarde de sábado a Estudiantes Lugo Leyma Natura no encontro Final da Copa Galicia EBA na súa edición de 2012. O equipo de Cambados, xa campión, actuou á súa vez como anfitrión neste encontro decisivo, celebrado no Pavillón do Pombal.

FGB e Obradoiro CAB activan a "Aula Formativa do Adestrador Galego"

Federación Galega de Baloncesto e Obradoiro CAB poñen en marcha neste mes de outubro a "Aula Formativa do Adestrador Galego de Baloncesto". Ambas entidades suman obxectivos e esforzos para dar saída a esta novidosa iniciativa, que abrirá o seu camiño o vindeiro domingo, 28 de outubro; co técnico do propio club santiagués, Moncho Fernández; como protagonista.

A Área de Saúde FGB entra na dinámica das Preseleccións Galegas

Á Area de Saúde da FGB traballa xa na avaliación física das preseleccións galegas. Os combinados autonómicos en categoría infantil e cadete contan, dende a súa última convocatoria desta pasada fin de semana, co control e asesoramento dos responsables do ámbito da saúde que a FGB incorporou nesta temporada.

Fin de semana clave para a Copa Galicia EBA

A Copa Galicia EBA celebra nesta fin de semana a súa derradeira xornada da Fase Previa, a que clarificará de xeito definitivo que dous equipos, os líderes de cada grupo ao remate desta última quenda de encontros, serán os que comparezan na final do vindeiro 20 de outubro.

As Preseleccións Galegas retoman a actividade

As preseleccións galegas infantís e cadetes retornan á actividade e volven ás pistas. Os catro combinados autonómicos rexistran concentración esta fin de semana, doblando xornada de traballo e empregando as cidades de Ferrol e A Coruña como sedes de operacións.

O Concello de Ferrol presenta a XX Copa Galicia Sénior Feminina

O Concello de Ferrol, na persoa da súa concelleira de Deportes; Susana Martínez Galdós, presentou esta mañá a fase final da XX Copa Galicia Sénior Feminina, tamén nomeada XII Trofeo Concello de Ferrol: "un clásico xa dentro dos trofeos de baloncesto feminino en Galicia".

A interacción Adestrador - Árbitro, a análise este venres en Ferrol

Unha nova actividade formativa da Federación Galega de Baloncesto recala en Ferrol este venres, 12 de outubro. Como aperitivo á primeira das Semifinais da XX Copa Galicia Sénior Feminina, dende a entidade federativa ofrécese a posibilidade de participar dunha charla teórico práctica protagonizada polo colexiado internacional FIBA e Director Técnico do Comité Galego de Árbitros, Miguel Ángel Pérez Pérez; e polo actual responsable da área deportiva FGB, Carlos Colinas.

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka