A Federación Galega de Baloncesto abre o proceso de inscrición para o II Día do Adestrador, segunda edición dun formato multidisciplinar que a Área Deportiva FGB levará un ano máis ata a A Coruña coa colaboración de Club Básquet Coruña e o Sporting Club Casino.
Ourense e Santiago de Compostela, en categorías masculina e feminina, respectivamente; serán testemuñas esta fin de semana, da rolda final da 1º División Infantil FGB. Coa identidade dos campións xa coñecida, Bosco Salesianos (Feminino) e Instituo Rosalía (Masculino), agora toca dilucidar sobre a pista que equipos ostentarán o subamcpionato autonómico e, tamén, quen ocupa as dúas prazas para o Campionato de España que ofrecerá cada Fase.
A FGB realiza a convocatoria pública da súa Asemblea Xeral Ordinaria para a presente temporada 2018 - 2019. A citada xuntanza terá lugar o vindeiro 17 de xuño (luns) en Santiago de Compostela (Hotel Eurostars San Lázaro). O horario marcado para o seu comezo será o das 18.00 h en primeira convocatoria e ás 18.30 h en segunda.
R.C. Celta e Instituto Rosalía de Castro, en categoría feminina e masculina, respectivamente; son os galegos que consiguen dar un paso máis nos Campionatos de España e avanzar directos á rolda de oitavos de final. A mesma ten lugar este mesmo mércores cos horarios e resultados que a continuación detallamos.
Os Campionatos de España de Clubs en categoría cadete arrincan este domingo, 19 de maio; con cinco equipos galegos poñendo en xogo a súa sorte.
Huelva, Aljaraque e Punta Umbría acollen a competición masculina con Balidea Obradoiro e Instituto Rosalía de Castro, campión e subcampións galegos, respectivamente;encadrados entre os 32 mellores equipos do País. O propio ocurre en categoría feminina, viaxando neste caso ata Valencia, con Celta Baloncesto, Instituto Rosalía de Castro e Colexio Mariano, campión, subcampión e terceiro clasificado da nosa 1º División Cadete FGB.
Ucoga Seguros CB Chantada comeza a partir de mañá a súa particular busca do ascenso a LEB Prata na Fase Final Liga EBA. Con sede en Ponferrada, esta rolda final da Liga repartirá ao Grupo A en dous subgrupos que, independientemente, desputarán unha liga a unha volta, todos contra todos.
Fin de semana de estrea para a Liga Sub 22 Masculina. Porriño Baloncesto Base, Santo Domingo Betanzos, Estudiantes de Lugo, Obradoiro CAB, Rosalía de Castro e Ponferrada competirán esta temporada ao longo de tres concentracións previas e consecutivas de xogo, e unha definitiva para as cruces clasificatorias.
O anunciado é debeda. O “II Día do adestrador” vivirá a súa segunda edición o 9 de xuño e con ela chegan as “Tarefas Estrela” novidade xa anunciada AQUÍ e da que hoxe facemos pública a súa ferramenta de presentación: as FICHAS TEMÁTICAS.
En marcha a Liga Preminibasket FGB. Desde esta misma fin de semana, e ata a última deste mes de maio, un total de 16 equipos por categoría, masculina e feminia, darán vida á fase regular da competición distribuídos en catro grupos (Norte A, Norte B, Sur A e Sur B) doutros tantos equipos cada un.
O Subcampionato galego de 2º división masculina, e a praza de ascenso a 1º división que leva asociada; puxéronse en xogo esta fin de semana na vila lucense de Foz, no marco da Fase Final A4 desta 2º Liga FGB.
Baixo a organización do Celtas CCA FOZ, o propio anfitrión competiu e impúxose a Porriño Baloncesto Base, CB Arteixo e Compañía María de Santiago no formato xa establecido para as fase finais FGB: semifinais na quenda do sábado, e final na xornada dominical.
O “Día do Adestrador” terá unha segunda edición. A área deportiva FGB, promotora desta actividade estreada o pasado ano, aposta de novo por ela e volverá a reunir en A Coruña a base e á elite dos adestradores e adestradoras do Baloncesto Galego.
Coa súa data de celebración marcada para o 9 de xuño, e cun programa completo que se desvelará en vindeiras datas, os primeiros detalles deste “II Día de Adestrador” chegan da man dunha novidade denominada “MOSTRA DE TAREFAS ESTRELA”.
Tras a eliminación en oitavos de Estudiantes Lugo, que acompañaba ás celestes nesa rolda; o equipo vigués convertíase no único representante galego en liza nos Campionatos de España de Clubs Júnior. E a súa loita definitiva veu, precisamente, dos cuartos de final, nun duelo que o enfrontou este xoves a Snatts Femeni Sant Adriá e que se pechou con derrota para as de Nacho Silva, deixando un bo sabor de boca competitivo.
As súas opcións agora pasan polo encontro polo 7º posto da clasificación final, cita que as enfronta este venres (10. 30 h) ante CB Adareva Tenerife.
Os Campionatos de España de Clubs Júnior xa están en oitavos. Nesta rolda, e tras a eliminación na fase previa dos nosos dous representantes masculinos, Obradoiro CAB e Estudiantes Lugo; así como de Ensino Lugo en categoría feminina, son RC Celta e Estudiantes Lugo os que se manteñen na competición desta última categoría, e con opcións. Na tarde deste mércores desputarán os seus encontros de oitavos de final, cos seguintes horarios:
Os Campionatos de España de Clubs Júnior comezan este domingo. Con sede en Avilés para a competición feminina, e en Zaragoza para a masculina; cinco clubs galegos terán a oportunidade de medir as súas forzas e desfrutar do torneo que reúne aos 32 mellores equipos do país en cada categoría.
Os campionatos nacionais FEB de clubs 2019 arrincan esta mesma fin de semana, catro e cinco de maio; coa categoría Júnior como primeira en abrir xogo. Nos mesmos, que se estenderán ata o mes de xuño coa celebración na nosa Comunidade das citas infantís (Lugo en masculino e Marín en feminino), tomarán parte tamén os nosos colexiados CGAB e FEB, sumando nesta temporada un total de dez designados para a ocasión.
A 1º División Cadete non só puxo en xogo esta fin de semana o seu subcampionato autonómico. Esta categoría, tanto en masculino como en feminino; vivu a disputa da súas Finais 4AB, roldas nas que se decidiu a permanencia entre os equipos clasificados do 2º ao 5º posto nas ligas A2.
Así mesmo, e tras a suspensión en categoría feminina, sumouse este domingo, 5 de maio; a final da Copa Federación Cadete Masculina, que proclamou campión a un Peleteiro (6º clasificado Grupo A1 Liga regular). que conseguiu impoñerse ante Basquet Coruña (2º clasificado Grupo A2 Liga regular).
R.C. Celta Baloncesto e Obradoiro CAB, campións cadetes da 1º División FGB 2018 – 2019 non viaxarán sós aos Campionatos de España. Dúas prazas máis en feminino e unha en masculino para participar destas citas nacionais puxéronse en xogo esta fin de semana nas Fases Finais A4 da categoría.
Galería de Imaxes - Campións e Subcampións Ligas FGB 2018 - 2019
Unha praza de ascenso a liga EBA ponse en xogo esta fin de semana e ao seu destino definitivo tomou rumbo a Cambre. Unha 1º División Masculina que xa coroara en pasadas datas a Obradoiro Silleda como o seu líder, buscou este domingo ao seu subcampión, enfrontando en Ferrol (Pavillón Javier Gómez Noya) aos dous vencedores das semifinais da FAse definitiva: Club Baloncesto Costa Ártabra, anfitrón da fase final; e Baloncesto Cambre.
Galería de Imaxes - Campións e Subcampións Ligas FGB 2018 - 2019
A posibilidade de cumprir un soño pechouse de xeito negativo esta tarde para Real Club Celta Zorka. O equipo vigués tiña este domingo, nas semifinais da Fase de Ascenso a Liga DIA, a opción de facerse cunha praza na máxima competición, pero a súa derrora ante un potente Campus Promete impediu rematar con ledicia un total de catro días de competición acometidos ao máximo nivel e nos que nunca deixou de pelexar polo obxectivo.
Galicia pecha o #PlanetaMini2019 co máis grande dos sorrisos. As nosas Seleccións regresan este mércores, 17 de abril; a Galicia coa sensación do traballo ben feito e co seguinte palmarés:
Galicia Minibasket Feminina 2019 - 6º clasificada Grupo Especial.
Galicia Minibasket Masculina 2019 - Subcampioa Grupo Preferente. Ascenso a Grupo Especial.
