Deporte Galego

Federación Galega de Baloncesto e Universidade de Vigo renovan a súa unión

(info: Universidade de Vigo) A Universidade de Vigo e a Federación Galega de Baloncesto renovaron o venres, 25 de xaneiro; o seu acordo de colaboración entre ambas entidades, unha alianza estratéxica que lles ten permitido a organización conxunta de múltiples actividades. O reitor, Manuel Reigosa, e o presidente FGB, Francisco Martín, foron os encargados de rubricar a renovación dun convenio do que admitiron sentirse “tremendamente orgullosos”.

Real Club Celta Baloncesto homenaxea ás seleccións galegas

Bonita tarde de homenaxe e baloncesto a vivida o sábado, 19 de xaneiro; en Vigo. Baixo a iniciativa do Real Club Celta Baloncesto, e aproveitando o inmellorable escenario dun duelo galego ante AD Cortegada na Liga Feminina 2, as seleccións galegas infantís e cadetes en categoría feminina recibiron un detalle do equipo anfitrión e do seu público.

Caixabank e FGB renovan a súa unión

O presidente da Federación Galega de Baloncesto, Francisco Martín; e o director de área de santiago de Compostela de Caixabank, Antonio Lema; ratificaron este mércores por unha temporada máis o acordo que une desde o ano 2011 as súas dúas institucións no ámbito do patrocinio.

A Asemblea Extraordinaria FGB valida o Orzamento 2019

A Federación Galega de Baloncesto celebrou na tarde de¡o mércores, 16 de xaneiro; a súa Asemblea Xeral Extraordinaria. A mesma tivo lugar na propia sede da FGB en Santiago de Compostela (Estadio Multiusos de San Lázaro, porta 14) ás 17.30 h en primeira convocatoria, e ás 18.00 h en segunda, reunindo a un total de 19 asembleístas dos 72 citados. 

Nova Xunta Directiva FGB: 2018 - 2022

A Federación Galega de Baloncesto comunica a composición completa da súa nova Xunta Directiva para o ciclo 2018 – 2022. O renovado presidente FGB, Francisco Martín Micó; dá a coñecer o que será os eu grupo de traballo para os futuros catro anos de mandato, depositando neste caso a confianza de novo no organigrama que o acompañou no ámbito directivo nesta última etapa.

FGB e Colexio Salesianos amplían a súa relación

  • 15 Xaneiro 2019 |
  • Sección: Clubs

Federación Galega de Baloncesto e Colexio Mª Auxiliadora Salesianos Ourense renovan para esta temporada o seu acordo establecido no inicio do pasado ano 2018 co obxectivo de realizar diferentes actividades do ámbito federativo nas instalación do centro educativo.

KDTINF2019 - 07/01/19: Galicia Infantil feminina é de Bronce

Galicia despide este #KDTIN2019 cun Bronce no seu palmarés, o conseguido pola Selección Infantil Feminina. O equipo que dirixe Nacary Rojas desputou este metal ante Andalucía, selección á cal xa derrotra na fase previa. O soño deste metal ven a suceder a última medalla conseguida por Galicia nun Campionato de España de Seleccións: tamén un bronce, neste caso en cadete feminino no ano 2014. 

Pola súa banda, a Selección Cadete Feminina proclamouse Campioa do grupo Prefente nun último partido con Canarias como rival. As galegas suman este título ao seu ascenso a Grupo Especial. Dobre premio para un memo campionato. 

KDTINF2019 - 06/01/19: Galicia Infantil Feminina loitará polo Bronce

Galicia viviu este domingo de Reis a súa penúltima xornada no #KDTINF2019. Unha tarde de catro intensos partidos trouxo consigo o dereito a loitar polo bronce para a Selección Infantil Feminina, o Ascenso a Grupo Especial para a Cadete Feminina, e a dobre consecución da Permanencia no Grupo Especial para os nosos dous equipos masculinos. 

Campionato de Seleccións #KDTINF2019 - 04/01/19: Galicia infantil feminina, a semifinais

Consulta, a continuación, os resultados e estatísticas das Seleccións Galegas Infantís e Cadetes no segundo día de competición dentro da Fase Previa Campionato de España de Seleccións 2019. O remate deste intenso venres déixanos todo por decidir en categoría cadete e en infantil masculina; e coa inmellorable nova da clasificación matemática das nosas infantís para as SEMIFINAIS do domingo, seis de xaneiro! 

III Torneio Internacional Aveiro x Porto

Cita fóra das nosas fronteiras para o baloncesto galego de formación. A localidade portuguesa de Anadia celebrará este venres e sábado, 28 e 29 de decembro; o III Torneio Internacional Aveiro x Porto – Sub 16, no que tomarán parte dous Combinados FGB da xeración 2004.

Traballo e convivencia no Clínic de Nadal do Comité Galego de Árbitros

O árbitros CGAB dos Grupos 1 e Sub23 reuniranse este sábado, 22 de decembro; en Compostela baixo convocatoria para celebrar o seu Clínic de Nadal. Esta cita, habitual cada ano por estas datas, terá lugar no Colexio Manuel Peleteiro, onde serán protagonistas ao longo da mañá, dun programa de actividades que dirixirá o Director Técnico do propio CGAB, Miguel Ángel Pérez Pérez.

KDTINF2019: Seleccións definitivas para Galicia

Galicia xa ten confirmadas as catro seleccións que a representarán no Campionato de España Cadete e Infantil, a celebrar a partir do dous de xaneiro na Provincia de Huelva. Un total de 48 xogador@s, liderados polo seu cadro de seleccionadores correspondente, competirán neste Nacional tras realizar unha intensa etapa de preparación que se iniciou no mes de setembro e que se pecha nesta recta final de decembro coa publicación das listas oficiais.

Resolución dos premios no IX Certame "O Baloncesto e o Nadal"

O IX Certame “O Baloncesto e o Nadal” xa ten deseño vencedor. A xogadora de Maristas Ourense, Carmen Prol da Costa, de 9 anos de idade; convértese na gañadora desta edición. A súa proposta enviada para o concurso, titulada “Entre xoguete e Xoguete”, faise co 1º premio e materialízase na postal oficial da Federación Galega de Baloncesto para este Nadal.

Cinco colexiados galegos para o #KDTINF2019

O Comité Galego de Árbitros xa coñece a súa representación nos Campionatos de España de Seleccións Autonómicas Infantís e Cadetes. Nesta cita, que terá lugar en diversas localidades da provincia de Huelva entre o días 3 e o sete de xaneiro, serán cinco os colexiados CGAB que se sumen á expedición galega #KDTINF2019.

O Campionato de España Cadete e Infantil xa coñece os seus calendarios

Galicia xa ten rivais para a súa cita co Campionato de España de Seleccións Autonómicas Infantil e Cadete, a celebrarse entre o 3 e 7 de xaneiro en distintas localidades da provincia de Huelva.

O gran evento anual do baloncesto formativo español contará, de novo, coa participación das 19 Federacións Autonómicas, 76 equipos e máis de 900 xogadores e xogadores que encherán de competición un total de oito pavillóns de xogo.

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka