Deporte Galego

Modificacións nas Ligas FGB para a volta á competición

Presentamos, unha vez aprobadas pola Comisión Delegada FGB, as modificacións de Datas e sistemas de competición para as competicións FGB que retomarán a marcha tras o anuncio da Xunta de Galicia que autoriza de novo a práctica do Deporte Federado na nosa Comunidade. O balón comezará a botar de novo en liga oficial de xeito progresivo, sendo as 1º Divisións Cadetes e Infantís as primeiras en facelo a vindeira fin de semana (27 – 28 de febreiro).

Guía simplificada SXD - 16/02/21: medidas preventivas para facer fronte ao risco de contaxio pola Covid-19 de aplicación ao Deporte Galego -

Remitimos actualizada este mesmo martes, 16 de febreiro; a Guía simplificada das medidas preventivas para facer fronte ao risco de contaxio pola Covid-19 de aplicación ao Deporte Galego que emite a Secretaría Xeral para o Deporte. Este documento, así como o DECRETO 26/2021 e a ORDE do 15 de febreiro de 2021 do DOGA, serán necesaria referencia e de crucial cumprimento para a volta do práctica do Deporte Federado que a Xunta de Galicia vén de autorizar.

“II TORNEO AUTONÓMICO NBA 2K21”: o Baloncesto Galego dá o salto virtual

O Baloncesto Virtual chega a Galicia de xeito oficial da man do Club Baloncesto Seis do Nadal Coia e co apoio da Federación Galega de Baloncesto e da tenda deportiva, Tiro Libre. Coa intención de manter conectados a todos os federados neste momento de parón competitivo por mor das restricións oficiais en virtude da situación sanitaria, o club vigués por en marcha a súa II edición do “Torneo Autonómico NBA 2k21”, competición de carácter completamente virtual que xa estreara o pasado mes de marzo durante o confinamento máis estrito .

A 1º División Nacional Feminina continúa en xogo

O Conxunto de Federacións Autonómicas implicadas na 1º División Nacional Feminina, que xunto a Galicia, conforman Asturias, Cantabria e Castela León; reuniuse de xeito virtual esta mesma mañá de martes, 26 de xaneiro; para avaliar a presente situación da competición no escenario actual, e tomar, tras as deliberacións pertinentes, tres importantes decisións:

Comunicado Oficial FGB ante a suspensión das Competicións por parte da Xunta

A Xunta de Galicia comunicou a través do DOGA na noite do martes, 19 de xaneiro; a decisión de suspender as competicións federadas de ámbito autonómico ante a preocupante situación sanitaria en Galicia. Esta medida que, na tarde do mesmo martes e de forma esquemática, trasladou en reunión virtual coas Federacións o propio Secretario Xeral para o Deporte, supón a paralización das Ligas FGB actualmente en marcha e a adaptación da nosa realidade á orde publicada polo Diario Oficial de Galicia na medianoite pasada.

Modificacións nas Segundas Fases de Competición das Ligas FGB

A Comisión Delegada FGB, celebrada o pasado 13 de xaneiro, aprobou modificacións relativas ás Segundas Fases e Fases Finais das Ligas:

1ª División Masculina

2ª División Masculina

1ª División Júnior, Cadete e Infantil Masculinas e Femininas

1º Divisións Minibasket Masculinas e Femininas

 

Asemblea ExtraOrdinaria FGB 2021

A FGB celebra este luns, 18 de xaneiro, a súa Asemblea Xeral ExtraOrdinaria. Convocada o pasado mes de decembro baixo a circular oficial nº 18, a citada xuntanza celebrarase esta tarde (17.30 h, primeira convocatoria. 18.00 h, segunda convocatoria) de xeito presencial en Santiago de Compostela (Estadio Multiusos de San Lázaro Porta 4) coa seguinte orde do día:

1. Reconto de Membros Presentes.
2. Aprobación Orzamento 2021.

Esta Asemblea terá lugar, por suposto, cumprindo coas medidas sanitarias esixidas en virtude das restricións actuais e para velar pola máxima seguridade de todos os asistentes.

 

Actualizacións no Protocolo FISICOVID - DXTGALEGO FGB

Actualizacións importantes para o Protocolo FISICOVID – DXTGALEGO FGB. Tras solicitude recibida por parte da Secretaría Xeral para o Deporte no marco do seu traballo en colaboración cos distintos coordinadores das Federacións, faise preciso adecuar os tres documentos diferenciados dos que se compón o Protocolo FGB, os cales achegamos xa modificados e nos que, de xeito específico, se presentan novidades nos seguintes puntos:

2021: máis Baloncesto para todos!

Hoxe despedimos un 2020 difícil no que tivemos que parar todo e deter o xogo, pero no que continuamos pensando sempre na forza do noso deporte, no poder do Baloncesto.
E ese é precisamente o noso desexo para o 2021: máis baloncesto e moita, moita saúde para todos.
Feliz 2021‼️

Bo Nadal!

Comeza o Nadal na FGB! A resolución dos premios do Certame da Postal de Nadal FGB chega este martes, 22 de decembro; para permitirnos felicitarvos as festas e aproveitar para agradecer o voso esforzo e traballo para manter o Baloncesto en marcha neste 2020 tan particular.

GUÍA: Comunicación e Xestións de casos COVID-19 confirmados no sector deportivo e federado

Dende a Federación Galega de Baloncesto, co obxecto de facilitar a xestión e comunicación dos casos confirmados da COVID19, achega detallada guía elaborada pola Secretaría Xeral para o Deporte e a Consellería de Sanidade, dirixida fundamentalmente aos Coordinadores FISICOVID-DXTGALEGO de todos clubs. 

Neste documento, atopamos de xeito claro e cronolóxico as pautas a seguir ante a presenza de CASOS SOSPEITOSOS, CASOS CONFIRMADOS DE COVID19, CONTACTOS ESTREITOS e tamén POSIBLES ABROCHOS. 

Enquisa: incidencia do uso da máscara no Deporte Federado

A Federación Galega de Baloncesto únese a Secretaría Xeral para o Deporte de cara a colaborar nos traballos de investigación que o organismo oficial do Deporte Galego está a realizar para avaliar a experiencia do uso da máscara no ámbito deportivo, tanto nos adestramentos como na competición oficial.

Equipos e Formato para as próximas Ligas FGB en abrir competición

As Competicións FGB de 3º División Masculina, 2º División Feminina e 2º División Júnior, tanto masculina como feminina; están cada vez máis preto de cobrar vida nas pistas. Estas catro ligas, marcadas para iniciarse, finalmente; a vindeira fin de semana do 12 e 13 de decembro; toman hoxe corpo definitivo coa publicación do seu listado oficial de equipos participantes, grupos de xogo, e reestruturación das datas para as súas diferentes fases de xogo en cada caso. 

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka