Deporte Galego

Dezasete xogadores para unha nova convocatoria da Preselección Galega Minibasket Masculina

  • 03 Febreiro 2012 |
A Preselección Mini Masculina nunha das súas anteriores concentracións
A Preselección Mini Masculina nunha das súas anteriores concentracións

A FGB non detén a marcha das súas preseleccións minis, e unha vez notificado en firme o calendario de preparación global para ambas as dúas, feminina e masculina, toca cumprir e, sobre todo, intensificar o ritmo.

A primeira e máis recente data a restar das estipuladas chega este domingo 5 de febreiro, no que a quenda de traballo será de dominio exclusivo da categoría masculina. Así, a seleccionadora, Paula Couto, terá á súa disposición a un total de 17 xogadores, a maioría repetindo presenza neste tipo de convocatorias, que lembremos que se realizan baixo o status de Preseleccións.

E neste caso, o escenario do seu traballo trasládase de Compostela (sede dos seus últimos encontros) ata a localidade de A Estrada, cuxo club local e Concello son colaboradores habituais da área deportiva da FGB. Nesta vila están citados, ás 10.30 h no Pavillón Municipal Coto Ferreiro, os 17 convocados, e está previsto que repartan os seus adestramentos entre a mañá e a tarde, botando o peche á xornada ás 18.30 h.

Como de xeito habitual, a lista desta convocatoria achégase xunto a esta información, en documento aparte.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka