Deporte Galego

Campionato de España de Seleccións Cadetes: Galicia Feminina en Semifinais

  • 04 Xaneiro 2014 |
Campionato de España de Seleccións Cadetes: Galicia Feminina en Semifinais
(Foto: FEB)

Consulta aquí os resultados e estatísticas:

SELECCIÓN GALEGA CADETE FEMININA – GRUPO ESPECIAL “B”

Castilla León, Comunidad Valenciana, Cataluña, Madrid e Galicia

(05/01/14 - 5º xornada Fase Previa)
(10.00 h) Cataluña - Galicia (53 - 72)

(20-22,5-23,14-19,14-8)

Histórico pase a semifinais. Galicia Cadete Feminina asinou esta mañá, ante Cataluña (10.00h) o seu encontro final de Fase Previa, un partido redondo, en todos os sentidos, no que un Galicia perfecta en defensa acadou un histórico pase a Semifinais.

O equipo de Cristina Cantero, ao completo, fraguou a súa vitoria dende o primeiro minuto, establecendo unha primeira parte de gran nivel ante unha desdibuxada Cataluña que non foi quen de atopar o seu lugar na pista.

Galicia despregou unha defensa implacable que lle permitiu asegurar a súa posición no marcador e fortalecerse en ataque. Todo acompañado de acerto ante a canastra rival. Todo estivo de cara para as nosas xogadoras.

Tampouco fallaron cuestión claves como o control do rebote ou a boa xestión do ritmo de xogo . Galicia amosou a súa capacidade como equipo e a súa ilusión por estar na rolda de semifinais.

A segunda metade de xogo seguiu o mesmo guión: dominio galego e esforzo exemplar das galegas. Aguantar a vantaxe e xogar a favor de marcador foi a súa principal tarefa, cumprida con creces e sacando moito proveito das rotación ata chegar ao 53 – 72 final. Unha Cataluña nada cómoda ante o aro non puido contrarrestar.

Ao remate, festa na pista e nas gradas e a mente xa posta no ilusiónante encontro de Semifinais. Será as 17:30 h ante Canarias.

SELECCIÓN GALEGA CADETE MASCULINA – GRUPO ESPECIAL “B”

Comunidad Valenciana, País Vasco, Castilla León, Madrid e Galicia

(05/01/14 - 5º xornada Fase Previa)
(12.00 h) País Vasco - Galicia

(10-10, 18-10, 12-11, 8-7) (48- 38)

Euskadi e Galicia víanse as caras co ambicioso obxectivo dunha praza nas semifinais, un premio a obter para o cal os nosos estaban obrigados a vencer por oito puntos.

Ambos equipos, conscientes da importancia desta meta final, comezaron ofrecendo boa cara e regalando aos presentes uns primeiros dez minutos ben igualados (10- 10) que permitían encarar con optimismo o segundo cuarto.

Xa entrados neste, o equipo vasco viuse galardoado con maior acerto en ataque e dominio no control de xogo. Pola contra, Galicia non vía aro e numerosos erros obvios impedíanlle materializar canastras ata os últimos catro minutos de xogo. Neste intre, o rival aproveitaba tamén para irse no electrónico cun parcial a favor de 13-0. Ao descanso a vantaxe vasca sumaba xa oito puntos.

Ao regreso dos vestiarios, a pesares do esforzo galego por non dicir adeus a tan desexada semifinal e de manter un bo nivel en defensa, a condena viu da man dos erros non forzados e da baixa porcentaxe de acerto, tanto en intentos de dous como de tres puntos.

Dous cuartos finais de 12-11 e 8-7 non mudaron o panorama establecido tras o negativo segundo cuarto de xogo, que foi o que realmente determinou o rexistrado no marcador final (48 – 38)

Tras esta derrorta, o propósito pasa agora por loitar e manter a Categoría Especial. A defensa da permanencia neste status actual disputarase ás 19.30 h desta tarde ante Castilla la Mancha.

 

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka