Deporte Galego

Galicia Cadete Masculina pule o seu xogo en Lugo

  • 10 Decembro 2013 |

A cidade de Lugo foi testemuña esta fin de semana da penúltima proba competitiva da Preselección Galega Cadete Masculina, equipo que está a traballar arreo de cara ao próximo Campionato de España da categoría.

No marco do “II Torneo de Seleccións”, organizado na capital lucense pola FGB en colaboración co Concello de Lugo, a Vicepresidencia Primeira da Deputación de Lugo e a Secretaría Xeral para o Deporte; Galicia tivo a oportunidade de medirse ante tres equipos de gran nivel como perfecto ensaio xeral ante o reto da vindeira cita nacional.

As seleccións homónimas de Euskadi e Extremadura, así como o combinado portugués U18 do Porto FC plantaron cara a unha Galicia combativa da que non perder detalle:

(07/12/13 – 10:30 h) Galicia – Euskadi (66 - 82)

Galicia saíu moi frouxa atrás, perdendo de xeito continuo o 1x1 contra xogadores rivais e non respondendo ben ao traballo de defensa colectiva asimilado en sesións anteriores. Os nosos sufrían moito para coller cada rebote, o que permitiu a Euskadi moitas segundas opción ante a pouca agresividade local. Esta situación deixaba ó primeiro parcial nun 15-27 que foi definitivo no decorrer do encontro.

No segundo cuarto o equipo galego axustou mellor o traballo defensivo pero a intensidade interior continuou desaparecida, permitíndolle a Euskadi sumar canastras moi cómodas. Os xogadores de César Iglesias sobrevivían grazas a algún contraataque propiciado pola actividade defensiva dos exteriores así como ás triplas destes. Ao descanso: 32-45

No comezo do terceiro cuarto, Galicia reaccionaba e chegaba a poñerse a 8 puntos en dous minutos grazas ao traballo defensivo e ao acerto exterior. Sen embargo, pronto volveu a baixar os brazos atrás. Unha mala racha en ataque, con moi pouca claridade e acerto, decantaba o partido ao final deste cuarto (41-60).

Os derradeiros dez últimos minutos foron os mellores para o equipo Galego, que, a pesares de caer no cómputo xeral, fixo seu este cuarto por 25 a 19.

(07/12/13 – 20:00 h) Galicia – Extremadura (83 -73)
O partido comezou cunha Preselección galega moi dubitativa atrás, concedéndolle ao rival numerosos tiros e finalizacións sinxelas, as cales sabía aproveitar para gañar vantaxe e impoñerse ante a pasividade defensiva galega. Así, remataba o primeiro cuarto cun  parcial en contra (11 -20) que sería preciso remontar con esforzo.

Galicia tardaba en activarse pero non deixaría de intentalo. No segundo cuarto chegaba o momento de recortar distancias, grazas a súa mellora en defensa e á súa maior profundidade de banco. A situación igualábase na pista e, por tanto, no electrónico, que lucía ao descanso un 33 -34 que semellaba deixar todo aberto.

Pero a segunda metade non tivo cor. Galicia dominaba de principio a fin. Os seus erros defensivos continuaban, pero a mellora atrás resultaba clave. Un gran acerto ofensivo con continuas penetracións e tiros cómodos completaba o bo facer galego nestes minutos, nos cales a preselección anotaba uns 50 puntos decisivos (83 – 73)

(08/12/13 – 20:00 h) Porto FC – Galicia (70 – 53)
Galicia non quixo repetir os negativos inicios de encontro da xornada previa e o domingo ante os veciños portugueses non deu respiro algún dende o minuto cero.
Con grandes defensas e moito criterio en ataque conseguiu un parcial inicial que obrigaba ao Porto FC a remar á contra e subir a súa intensidade defensiva durante todo o segundo cuarto. Este esforzo extra dos lusos igualaba o encontro no descanso.

No derradeiro tempo, e tras as idas e voltas constantes de ambas escuadras, o cansazo atacaba aos folgos galegos e a preselección de César Iglesias pecaba de imprecisións e despistes que desequilibraron o marcado a favor do Porto (70 – 53)

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka