Deporte Galego

Preseleccións Galegas: as minis regresan aos adestramentos

  • 07 Febreiro 2019 |

Nova cita co traballo para as Preseleccións Galegas Minibasket. Nesta fin de semana, 9 e 10 de febreiro; os combinados autonómicos desta categoría afrontan a que será a súa única convocatoria deste mes, e fano na localidade de Marín.

As nosas preseleccións adestrarán en dobre xornada e de xeito completo nas instalacións da Residencia San Narciso, sede xa coñecida para o traballo técnico da área deportiva FGB. En horario de mañá e tarde, completarán un novo paso na súa preparación, o cal será tamén a previa da súa participación no xa tradicional Torneo amigable de Seleccións que organizará a propia FGB no mes de marzo como proba perfecta para o futuro Campionato de España.

Cambios no cadro técnico
Nesta concentración están chamados a participar un total de 17 xogadores e 16 xogadoras comandados polo seus cadros técnicos habituais, rexistrándose neste apartado un cambio en categoría masculina. Neste caso, a preselección estará liderada a partir desta convocatoria polo técnico José Valentín Pérez Vila, adestrador ourensán que accede a este cargo tras a saída do mesmo do anterior Seleccionador, Javier Cotelo.

O equipo que acompañará a Valentín nesta nova etapa complétase coa entrada de Adrián Álvarez (Basquet Coruña) como axudante; e co delegado, xa activo neste grupo dende o inicio de temporada, Nacho Mota.

 

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka