Planeta Mini 2018 - 24/03/18: resultados galegos

Venres, 23 Marzo 2018 09:55

Consulta, a continuación, os resultados das Seleccións Galegas Minibasket 2018 neste sábado, 24 de marzo; primeiro día de competición no Campionato de España de Seleccións Autonómicas, cita que se está a celebrar intensamente na localidade andaluza de San Fernando.

Planeta Mini 2018 - 24/03/18: resultados galegos (Foto: FEB/ AgenciaLOF)

WEB OFICIAL #PlanetaMini2018

Galicia #PlanetaMini2018 - Resultados 24/03/18

Minibasket Feminina- Fase Previa Grupo Especial B

Galicia, Madrid, Castela León, Cantabria e Andalucía.

24/03/18 - Xornada 1

(11.30 h) Galicia - Madrid (Colexio Compañía de María) (36 - 76)

Inicio de Campionato esixente ante Madrid. Galicia debutou neste campionato destacando polo seu carácter competitivo e pola súas gañas de manterse alerta en pista desde o primeiros segundos.

Un primeiro cuarto igualado, deu paso a un segundo cuarto máis feble para os seus intereses, con despistes non esperados que favorecían a unha potente selección madrileña que non deixaría escapar o tenteo facilmente. De todos os xeitos, Galicia facía seu o terceiro cuarto, e marchaba ao descanso cun xogo áxil e eficaz en defensa.

As posibilidades estaban aberta ao regreso á pista, pero Madrid non tardaría en abrir unha fenda cada vez máis longa e, tras dominar o xogo, no quinto cuarto, deixa o sexto para asinar sen problemas o seu trunfo.

Galicia non podía sumar a súa primeira vitoria pero deixaba moi boas sensacións a nivel competitivo e na súa capacidade de reacción.

24/03/18 - Xornada 2

(19.30 h) Castilla León - Galicia  (Cia. María) (46 - 58)

Inicio de encontro similar ao vivido ante Madrid pero cunha Galicia máis contundente, anotadora e capaz de roubar balóns importantes. Un parcial de 2 – 9 nos primeiros cinco minutos deste tempo ofrecía unha renda que favorecería aos intereses galegos, e equilibraría no marcador o pequeno baixón vivido no segundo e terceiro cuarto, nos que as galegas dubidaron máis tanto en ataque, con tiros precipitados, como en defensa.

Tras marchar ao descanso con empate a 25, Galicia regresou moi metida no encontro. Mentalizada das súas posibilidades, rendabilizou o cuarto e o quinto tempo ao seu favor.

Xa nos derradeiros minutos, e ante un rival que se recuperaba tanto no marcados como na pista, o equipo de Rubén Vázquez, despregando un alto nivel competitivo do que amosarse satisfeitos, remaba a favor e, anotando e roubando balóns sen apuros, superaba a Castilla León e asinaba a primeira vitoria do Campionato.

Minibasket Masculino - Fase Previa Grupo Especial B

Galicia, Madrid, Castela León, Andalucía e Murcia.

24/03/18 - Xornada 1

(09.30 h) Galicia - Madrid (Colexio Compañía de María) (23 - 74)

Mal debut galego nun partido que xa se presumía complicado pola diferenza física entre ambos os equipos. Moitos nervios nos dous primeiros cuartos, con demasiadas perdas de balón, permitiron a Madrid correr e anotar fácil. Só no terceiro período, os de Javier cotelo puideron facer fronte e empatar o cuarto, a pesares de amosarse moi febles en defensa. Unha vez pechada a acta, o partido baixou o ritmo pero a Selección seguiu atopar a súa esencia.

24/03/18 - Xornada 2

(17.30 h) Castilla León - Galicia (Compañía de María) (64 - 32)

Segundo partido do día para unha Galicia que non chegou a competir en ningún momento. Predominaron as súas I¡incontables perdas de balón, castigadas unha e outra vez polo rival. Así mesmo, na faceta ofensiva non saíron as cousas e os galegos non foron capaces de anotar coa necesaria regularidade.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2018 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.