Campionato de Seleccións #KDTINF2018 - 03/01/18: resultados galegos

Martes, 02 Xaneiro 2018 19:40

Consulta, a continuación, os resultados e estatísticas das Seleccións Galegas Infantil e Cadete no seu primeiro día de competición no Campionato de España de Seleccións 2018 que se inicia este mércores, tres de xaneiro; na cidade de Valladolid.

WEB OFICIAL #KDTINF2018

Galería de Imaxes - #KDTINF2018: 03/01/18

Campionato de Seleccións #KDTINF2018 - 03/01/18: resultados galegos Foto: Agencia lof / Feb

Galicia #KDTINF2018 - Resultados 03/01/18

Cadete Feminino - Fase Previa Grupo Especial B

(Galicia, Madrid, Asturias, Andalucía e Canarias)

03/01/18 - Xornada 2
(19.30 h) Galicia – Madrid (Pavillón Lalo García) (6 - 18 - 19 - 20, 7 - 19, 18 - 9) (50 - 66) (estatística)

Galicia debutou conderrota ante unha impoñente selección de Madrid, que deixou claro o seu potencial dende o comezo de partido. Un arreón inicial de xogo e puntos plantou na pista ao combinado rival cando, pola contra, Galicia tardou en espertar, rexistrando un primeiro cuarto xa á baixa (6 – 18).

O equipo madrileño mantivo as súas opcións superiores ao longo de todo o encontro, sentido máis forte o alento galego únicamente no segundo período, no que seu foi o derradeiro parcial e as gañas de seguir aspirando á igualdade. Pero un decisorio e negativo, terceiro cuarto deixou as opcións galegas sentenciadas, a pesares de regresar do vestiario algo máis enchufada. Na metade deste período, tres triplas consecutivas de Madrid marcaron o seu camiño da vitoria e ampliaron unha vantaxe que xa se amosaba insalvable para os intereses galegos (32 – 57. 3Q).

Os derradeiros dez minutos continuaron esta tónica, deixando o electrónico en 16 puntos dunha diferencia que tamén foi real sobre a pista. (50 – 66)

Infantil Feminino - Fase Previa Grupo Especial A

(Galicia, Cataluña, Navarra, Comunidad Valenciana e Madrid)

03/01/18 - Xornada 1
(09.30 h) Galicia – C. Valenciana (10 - 23, 24 - 14, 17 - 20 - 11 - 17) (62 - 74) (Estatística) 

A pesares dunha primeira metade de encontro na que as xogadoras de Fernán Varela non foron quen de engancharse ao ritmo de partido que propuña o rival (10 – 23, 1Q) os minutos previos á chegada do descanso evidenciaron a mellora galega, equilibrando as distancias e encarando o camiño dos vestiarios tan só un punto por debaixo no marcador e moralmente ainda dispostas a buscar a vitoria.

Esta tímida reacción galega volveu recibir réplica rival na segunda parte, pertencendo de novo estos minutos ás xogadoras valencianas, que recuperaron o dominio en pista, estendendo e materializando o mesmo no rexistro final (62 – 74)

03/01/18 - Xornada 2
(17.30 h) Madrid - Galicia (Pavillón Miriam Blasco) (7 - 4, 24 - 14, 12 - 11, 14 - 10(57 - 40)  (Estatística)

As galegas saíron á pista coa súa maior entrega, decididas e poñéndolle as cousas difíciles ás rivais. Un primeiro parcial apretado e escaso (7 – 5) deixaba claro que as xogadoras de Fernán Varela querían sumar o seu primeiro resultado positivo da xornada.

Basando a súa valía na defensa e no carácter como equipo, Galicia tentou manter a tensión e igualdade do primeiro cuarto, pero o horizonte do encontro mudaría a favor do combinado madrileño. A pesares de non baixar os brazos en ningún momento, Galicia sufriu o acerto rival durante todo o segundo cuarto, establecendose diferenzas de ata 12 puntos. (31 – 19, na chegada do descanso).

As nosas infantís regresaron dos vestiarios mantendo o pulso e asinando un moi competido terceiro cuarto (43 – 30), que ainda parecía deixar abertas as posibilidades. As súas intencións estaban claras pero os derradeiros dez minutos aunaron negativamente o acerto madrileño con perigosas imprecisións galegas en situación próximas ao aro, nervios e despistes defensivos.

Nos últimos intres de xogo a vitoria xa tiña firma rival, non reflectindo quizáis no marcador final (57 – 40) todo o traballo despregado por Galicia na pista. 

Infantil Masculino - Fase Previa Grupo Especial A

(Galicia, Baleares, Canarias, Andalucía e Madrid)

03/01/18 - Xornada 1
(11.30 h) Galicia – Canarias (Pavillón Pisuerga) (11 - 33, 17 - 20, 14 - 23 , 12 - 19) (54 - 95) (Estatística)

Inicio con mal pé para Galicia en categoría infantil masculina. O equipo que dirixe Javier Peinó padeceu a superioridade física rival e a súa maior claridade tanto en ataque como en defensa. Amplamente distanciados no marcador dende os primeiros compases de xogo, o combinado galego non foi quen de engancharse ao encontro e viu crecer a súa desvantaxe e aminorar a súa capacidade de xogo ata entrados os derradeiros dez minutos, intre no que o ritmo xeral foi diminuindo e Galicia puido atemperar minimamente a situación. Ao remate, abultada derrota (54 - 95) para a estrea, pero a mente posta xa no seu segundo encontro deste mércores, ante Andalucía. 

03/01/18 - Xornada 2
(19.30 h) Andalucía - Galicia (Pavillón Miriam Blasco) (17 - 5, 18 - 8, 25 - 12, 29 - 21) (89 - 46) (Estatística)

Os xogadores de Javier Peinó tentaron resarcirse do negativo debut da mañá e presentáronse nesta ocasión na pista cunha mellor actitude. Esta predisposición non viu acompañada de acerto, comezando a sentir as consecuencias dos seus erros xa nun primeiro cuarto que rexistrou un parcial (17 – 5) difícil de remontar, e máis ante un equipo tan completo como se revelou o andaluz.

Esta situación de dominio por parte de Andalucía mantívose en crecemento durante todo o segundo periodo. Se ben os galegos eran quen de mellorar os seus problemas na toma de decisións e ante as numerosas perdas de balón coas que empezaron o campionato, seguían ser estar nada afortunados cara ao aro.

Na segunda metade de encontro, os de Peinó gañaron confianza e acerto ante canastra, pero seguiron sen ser capaces de paliar o xogo coral do rival, selección que seguiu sumando puntos e deixando a Galicia coa súa segunda derrota consecutiva nesta estrea de campionato.

 

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2018 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.