Deporte Galego

As Principais Ligas FGB Sénior botan o peche e proclaman os seus campións

  • 07 Maio 2012 |
Villamarín fixo entrega da Copa que dá a BCA o ascenso a liga EBA
Villamarín fixo entrega da Copa que dá a BCA o ascenso a liga EBA

Básquet Coruña, C.B. Arxil e C.B.A. convertéronse esta fin de semana en auténticos protagonistas no peche das principais ligas sénior FGB.Materializándose por pleno dereito como campións oficiais das mesmas, recolleron ademais as Copas que os levan directamente a engrosar o palmarés das súas competicións: 1º División Masculina, 1º Autonómica Feminina e 2º Sénior Masculina, respectivamente.

Liga e ascenso a EBA para Básquet Coruña

Básquet Coruña completou os seus deberes na última xornada e proclamouse campión da Primeira División Sénior Masculina. O equipo dirixido por Fernando Buendía estaba obrigado a gañar para rubricar a súa primeira posición na clasificación e así o fixo. Con facilidade, e a pesar dos inevitables nervos, venceu á Estrada (77 - 48) e entre a ledicia de todos os integrantes do club celebrou, co asubío final, un campionato que lle outorga, á súa vez, o ascenso a Liga EBA.

O Vicepresidente Segundo da FGB e Delegado en A Coruña, José Manuel Villamarín, transmitiu os seus parabéns a entidade e foi o encargado de entregar a tan agardada Copa ao novo campión.

0074296001336390362-foto-de-equipo-para-os-novos-campions-de-primeira-division-masculina

Foto de equipo para os novos campións de Primeira División Masculina

Atocha, novo campión para a Segunda División Sénior Masculina

Tamén na cidade de A Coruña e de mans de José Manuel Villamarín, celebrouse este sábado outra boa nova para o baloncesto coruñés. Tras impoñerse no encontro de volta do cruce polo campionato en Segunda División Sénior Masculina ante Seis do Nadal, o C.B Atocha establecíase como líder definitivo desta categoría nesta 2011 - 2012.

De novo as imaxes de satisfacción xa olladas no caso do BCA, reflectíanse en pista agora con outros protagonistas. O capitán de Atocha, trofeo en man, celebraba a victoria cos seus compañeiros.

0810315001336390692-os-xogadores-do-c-b-a-victoriosos

Os xogadores do C.B.A., vitoriosos

C.B. Arxil, líder en feminino

Mudando de escenario, a celebración dos Campionatos trasladouse o domingo ata Pontevedra, localidade na que agardaba recibir o seu trofeo o C.B. Arxil. As pupilas de Milagros Sanmartín, que vivían xornada de descanso, foron premiadas co aplauso da grada na previa o encontro de categoría infantil do seu club e, tras recibir este recoñecemento dos seus afeccionados, tiveron a ocasión de recoller o trofeo oficial de campioas da Primeria División Autonómica Feminina 2011 - 2012. O Delegado en Arousa, José Luis Renda, guiou o acto de entrega.

0961018001336390404-a-capitana-do-arxil-recolleu-o-trofeo-de-mans-do-delegado-en-arousa-jose-luis-renda

A capitana do Arxil recolleu o trofeo de mans do Delegado en Arousa, José Luis Renda

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka