Deporte Galego

Monbus Obradoiro e Río Breogán, protagonistas ACB para a XXXV COPA GALICIA

  • 29 Xullo 2021 |

 A Copa Galicia de Baloncesto Masculino regresa no mes de agosto e faino cun formato especial, abrindo o mesmo coa celebración dunha Final de categoría “ACB”. Esta cita será o vindeiro día 28, ás 19.00 h, en Ferrol (Pavillón A Malata).

Monbus Obradoiro e Río Breogán converteranse nos primeiros protagonistas desta XXXV edición da Copa, competición que volve tras a súa suspensión na pasada temporada, e que nesta ocasión celébrase baixo a organización de Concello de Ferrol, CB Irmandiños e Asociación ALCER CORUÑA, outorgándolle ademais unha importante motivación solidaria.

“Doar órganos é Salvar Vidas”

Esta Copa Galicia “ACB” unirase simbolicamente á Asociación ALCER CORUÑA na súa loita contra as enfermidades de Ril e no seu obxectivo de mellorar a calidade de vida das persoas con enfermidade renal, así como dos seus familiares.

Os beneficios da venda de entradas desta final ACB destinarase a este traballo de ALCER CORUÑA reforzando así a súa labor de atención, asesoramento e intervención con persoas con enfermidade renal e axudando á sensibilización da cidadanía sobre a doazón de órganos e hábitos de vida saudables.Nesta liña, toda a información relativa ao aforo e a esta venda de entradas coñecerase ao longo do propio mes de Agosto.

Copa Galicia LEB
A XXXV da Copa Galicia completará o seu formato 2021 coa celebración en setembro dunha nova final, neste caso a correspondente á categoría LEB, que enfrontará a dous novos protagonistas, Leyma Básquet Coruña e Club Ourense Baloncesto, en data e sede por confirmar.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka