Deporte Galego

Comunicado Competicións FGB 2020 - 2021

  • 23 Setembro 2020 |

A Federación Galega de Baloncesto, tras reunión da súa Xunta Directiva celebrada na tarde do martes, 22 de setembro; desexa comunicar os seguintes puntos aclaratorios de cara ao presente e futuro escenario para o Baloncesto Galego:

Tras a publicación no DOGA do pasado venres, 18 de setembro; das importantes modificacións nas medidas de prevención previstas para facer fronte á crise sanitaria que permiten o deporte de contacto, tanto en adestramentos como en competición, sempre empregando as máscaras de protección, a FGB decide optar por esta vía para as súas competición 2020 -2021. Deste xeito, a máscara será obrigatoria para a práctica do Baloncesto Federado en competicións de ámbito autonómico.

O uso de máscara deberá vir acompañado pola aplicación, coa máxima precisión, do Protocolo FISIOCOVID- DXTGALEGO da Federación Galega de Baloncesto, o cal xa foi actualizado en virtude das novas indicacións do DOGA e enviado á Secretaría Xeral para o Deporte de cara a súa necesaria nova aprobación.

Nesta liña, os adestramentos con contacto non poderán comezar a realizarse ata que este protocolo FGB sexa aprobado definitivamente pola Secretaría Xeral para o Deporte e, posteriormente, feito público pola Federación Galega de Baloncesto, situación que agardamos poida facerse efectiva na maior brevidade posible.

En última instancia, e en virtude desta liña de actuación e da marxe temporal, a xunta directiva FGB decide aprazar o inicio das Fases de Ascenso ata o 18 de outubro e remitirá, en vindeiras datas, a nova estrutura destas Fases.
.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka