Deporte Galego

Un paso adiante para o Baloncesto Galego!

  • 19 Setembro 2020 |

Na mañá do día de onte, venres, 18 de setembro; recibimos a nova da publicación no Diario Oficial de Galicia dunha importante modificación nas medidas de prevención previstas para facer fronte á crise sanitaria que estamos e a vivir. Esta actualización oficial incide directamente na práctica deportiva federada en Galicia, e por tanto no noso Baloncesto Autonómico.

En virtude desta crucial novidade, que entra en vigor a partir de hoxe mesmo, sábado, 19 de setembro; está permitido comezar a adestrar con contacto e tamén competir, sempre empregando as máscaras de protección e aplicando coa máxima precisión posible as restantes directrices do noso Protocolo FISIOCOVID- DXTGALEGO, o cal actualizaremos ao detalle conforme á nova modificación emitida no DOGA. Así mesmo, este importante paso adiante implicará o regreso ás competicións FGB, sempre que sexa posible e a situación sanitaria e os seus requerimentos o permitan, nas datas establecidas nas Bases de Competición.

Tras seis meses de cese de actividade deportiva e nun intre tan importante como é o de regresar a unha nova normalidade, queremos aproveitar para agradecer de novo a colaboración de todos os que formades parte da familia do Baloncesto, así como a comprensión ante os momentos vividos. Continuaremos a partir de hoxe dispoñibles para solventar todas aquelas cuestións que se produzan en torno a este novo escenario.

 

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka