Deporte Galego

Betanzos e Marín, sedes para os Campionatos de España de Clubs Infantís

  • 31 Xaneiro 2020 |
Concello local e Santo Domingo de Betanzos asinaron o convenio de organización do Campionato coa presenza da Secretaria Xeral FGB, Susana Fernández
Concello local e Santo Domingo de Betanzos asinaron o convenio de organización do Campionato coa presenza da Secretaria Xeral FGB, Susana Fernández

Galicia será un ano máis, o sétimo consecutivo, o emprazamento perfecto para os Campionatos de España de Clubs en categoría Infantil.

Neste 2020, as localidades de Betanzos e Marín, en categoría masculina e feminina, respectivamente; recibirán na casa estas dúas citas, que encherán a nosa Comunidade do mellor Baloncesto Base entre os días sete e trece do vindeiro mes de xuño.

Concello de Betanzos e Club Santo Domingo de Betanzos organizarán a competición masculina nesta vila, que se estrea como escenario para un campionato de España Infantil. Pola súa banda, Marín volverá a acoller á categoría infantil, e farao por terceiro ano consecutivo, marcándose cada temporada novos retos da man do Concello e o Club local, Marín Peixe Galego.

Galicia, de novo protagonista

En ambos os casos trátase dunha aposta en firme polo deporte de formación e por seguir dando a coñecer a capacidade organizativa dos clubs, entidades públicas e a propia Federación Galega de Baloncesto nun evento destas características ao que, precisamente en categoría infantil, levamos recibindo na casa durante xa seis anos de xeito ininterrompido:

Campionato de España Infantil Masculino

2013 – 2014:Cambados

2014 – 2015: Cambados

2015 – 2016: Lugo

2016 – 2017: Cambados e Vilanova

2017 – 2018: Marín

2018 – 2019: Lugo

Campionato de España Infantil Feminino

2013 – 2014: Pontevedra

2014 – 2015: Pontevedra

2015 – 2016: Pontevedra

2016 – 2017: Marín

2017 – 2018: Pontevedra

2018 – 2019: Marín

A desta temporada 2019 – 2020 será a XLI edición en masculino e a XXXVI en feminino, desputándose ambas polos 32 mellores equipos de España en cada categoría, e supoñendo para as localidades organizadoras un componente deportivo e social de grande valor.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka