Deporte Galego

A Copa da "Master Sénior League" rubricada con éxito

  • 13 Febreiro 2019 |
Os campións de Copa nesta edición 2019
Os campións de Copa nesta edición 2019

A Master Senior League, formato de baloncesto 3x3 para veteranos apoiado pola Federación Galega, gozou o pasado xoves, 7 de febreiro; en Vilagarcía dunha das datas máis sinaladas do seu calendario anual coa celebración da Copa MSL- A Esmorga na que participaron todos os equipos en competición. A vitoria final foi para o Pastelerías Yoli ao impoñerse na final ao Policlínica Patricio Serqueira por un axustadísimo 18-21.

Os preto de noventa xogadores que participan na MSL gozaron dunha intensa xornada con eliminatorias directas. Na rolda previa lograron o pase a cuartos de final Te Lo Reservo-6,25 así como Churrabasket Mobu Deportes, Pub A Bolsa e o Pastelerías Yoli, ao cabo campión da competición. Os equipos apeados nesta primeira rolda foron Angry Cats-Duende, Tintoraría-Pub Sold Out, Chantre-Alvamar e o Soher Slam Basket.

Xa en cuartos de final houbo encontros moi disputados como o que libraron Policlínica Patricio Serqueira e Churrabasket-Mobu Deportes (21-19). Tamén tivo que empregarse o equipo logo campión ante o Rock Bar Miúdo ao que superou por 17-18. Máis clara foi a vitoria do Cociñas Santos sobre o Pub A Bolsa (19-12) ou a do Andaina-Estrella Floja sobre o Te lo Reservo-6,25 (21-11).

A emoción foi en aumento nas semifinais no medio dun bo ambiente no pavillón Fexdega de Vilagarcía. O Policlínica Patricio Serqueira superou a Cociñas Santos nun final moi apertado por 21-19. Aínda foi maior a igualdade no choque entre Pastelerías Yoli e Andaina-Estrella Floja resolto en favor dos primeiros no desempate dos lanzamentos libres.

Xa na final, o equipo campión seguiu fiel á súa liña de vitorias traballadas para facerse co primeiro título da tempada na Master Senior League. Agora prosegue a liga regular ata o inicio das eliminatorias de play-off e unha festa final que volverá reivindicar que o espírito do baloncesto mantense vivo a calquera idade.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka