Deporte Galego

Final #copagalicia: Cafés Candelas Breogán, campión

  • 24 Octubre 2018 |

Doce. Ese é o numero de Copas Galicia que dende a noite deste mércores conta no seu haber o Cafés Candelas Breogán tras impoñerse na final da edición 2018 ante Monbus Obradoiro. Nun encontro que regalou incertidume ata o final, os lucenses sumaron un trofeo que os manten como líderes históricos no Palmarés da Copa Galicia. Parabens!

Galería de Imaxes - Final Copa Galicia

 

Final Copa Galicia Sénior Masculina 2018  (Pavillón da Raña. Marín)

(21.00 h) Monbus Obradoiro - Cafés Candelas Breogán (14 - 22, 24 - 26, 19 - 14, 17 - 13) (74 - 75)

Árbitros: Vicente Bultó, Jacobo Rial e Jorge Martínez. 

1-IMG 4811

 

Salva Arco recibiu a Copa Galicia de mans da Secretaria Xeral para o Deporte da Xunta de Galicia, Marta Míguez

 

1-IMG 4754

 

Pepe Pozas, MVP do encontro, recolleu o trofeo de Subcampións, entregado pola Alcaldesa de Marín, María Ramallo

Copa Galicia Sénior Masculina 2018: resultados fase previa e fase final

Cafés Candelas Breogán e Monbus Obradoiro repetiron duelo ao máximo nivel por segunda vez nunha semana. Co antecendente inmediato da vitoria dos lucenses na Liga Endesa (69 – 56), o esquema do encontro veu marcado pola súa superioridade no electrónico ata ben entrada a segunda parte desta cita.

Tras uns primeiros intres de igualdade e ritmo ben contrarresrados por ambos os equipos, os xogadores que dirixe Nacho Lezkano impuxeron a primeira das distancias importantes no marcador, trazando unha liña que parecía ser a máis clara para facerse co encontro (22 – 14. 1Q)

Cafés Candelas Breogán parecía ter tomada xa a medida da Copa e amosouno no progreso de todo o segundo cuarto (2Q. 48 – 38) e boa parte do terceiro, pero Monbus Obradoiro non quería deixar escapar a posibilidade de sumar a que sería a súa novena Copa Galicia consecutiva; e foi quen de recurtar as distacias precisas para entrar con todas as opcións no derradeiro pase do encontro.

Nestes últimos dez minutos, de tenteo cada vez máis axustado, Monbus Obradoiro entrou cinco puntos abaixo pero acertado en ataque, conseguía estreitar o marcador forzando a incertidume ata os derradeiros segundos, nos que, in extremis, buscou a vitoria de man de Kyle Singler cun tiro de tres puntos que non se materializou. A vitoria  resultaba así breoganista (74 – 75), rompendo a hexemonía santiaguesa das últimas edicións da Copa Galicia.  

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka