Deporte Galego

IV Torneo "Basket sen Barreiras"

  • 15 Marzo 2018 |

(Info: C.b. Nigrán) Club Baloncesto Nigrán e Federación Galega de Baloncesto organizan a cuarta edición do "Torneo Basket sen Barreiras" que se celebrará os días 26 e 27 de marzo no pavillón do Colexio de Panxón cun dobre obxectivo: romper obstáculos sociais a través do deporte e recadar fondos para entregar ao Centro Juan María co fin de colaborar na oferta de servizos e novos proxectos para as persoas con discapacidad intelectual.

 

O torneo desenvolverase ambos os días, 26 e 27 de marzo; en horario de mañá e tarde. As xornadas de mañá servirán especialmente para visualizar e promover a integración social de persoas con algún tipo de discapacidade. Para iso contarán co Club AMFIV e o Centro Juan María, que disputarán diferentes partidos cos xogadores e xogadoras das diferentes categorías do CB Nigrán e do CB Caselas como club convidado.

Para as xornadas de tarde habilitaranse 3 pistas nas que xogarán os equipos dos diferentes clubs participantes nas categorías minibasket, preminibasket e baby. Estas dúas últimas o luns de tarde e a categoría minibasket pechando o torneo o martes de tarde. Varios clubs da provincia pontevedresa confirmaron xa a súa asistencia a esta cita, rexistrándose entre eles: PBB, CAB Pontevedra, Cluny ou Defensores. Os encontros serán arbitrados por colexiados da Federación Galega de Baloncesto a través do seu Comité de Árbitros, que participa no evento de xeito altruísta.

IMG-20170411-WA0101 1

Cada participante realizará un donativo para colaborar co centro Juan María que será depositado na urna solidaria situada o Pavillón durante os dous días de torneo. Todas as familias de xogadores así como o resto de persoas asistentes poderán colaborar tamén con este fin solidario aportando o seu donativo.

Durante os dous días de competición realizaranse sorteos de diferentes agasallos entre os asistentes que consistirán en material deportivo cedido por entidades e empresas da localidade que colaboran co CB Nigrán.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka