IV Torneo solidario "Encesta un alimento"

Martes, 19 Decembro 2017 17:05

O Club Baloncesto Nigrán está xa inmerso na organización da IV EDICIÓN DO TORNEO SOLIDARIO ENCESTA UN ALIMENTO que se desenvolverá no CPI Panxón os vindeiros días 22 e 23 de decembro. Máis de 50 equipos xa confirmaron a súa asistencia ao evento. Trátase do torneo máis grande organizado por este club de baloncesto nigraniense, unha cita que encherán o Pavillón do Colexio de Panxón durante dous días.

Preto de 600 nenos e nenas gozarán practicando o seu deporte favorito ao longo de dúas xornadas que terán ademais un importante carácter solidario xa que cada un dos xogadores e xogadoras que participen aportarán un alimento non perecedeiro, do mesmo xeito que poderá facer o público asistente. Posteriormente, no acto de clausura do torneo, farase entrega da totalidade dos alimentos recollidos ao BANCO DE ALIMENTOS co fin de ser destinados ás familias máis necesitadas.

Desde a categoría baby ata a categoría cadete, pasando polas categorías preminibasket, minibasket e infantil, tanto masculino, feminino como mixto, desfilarán polo pavillón ao longo do venres 22 e sábado 23 para disputar diferentes partidos e compartir unha xornada de deporte, convivencia e festa .

A dirección dos encontros corretá a cargo de colexiados do Comité Galego de Árbitros, que participa de xeito voluntario e desinteresado, do mesmo xeito que fixo en edicións pasadas. Ademais dos duelos deportivos, realizásense tamén sorteos de diferentes agasallos entre todos os asistentes.

O Club Baloncesto Nigrán conta e valora na organización deste evento a colaboración de Federación Galega de Baloncesto, CPI de Panxón e Obra Social "la Caixa".

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2018 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.