Gran éxito da III edición do Torneo Basket sen Barreiras do Club Baloncesto Nigrán

Mércores, 12 Abril 2017 11:20

O Club Baloncesto Nigrán e a Federación Galega de Baloncesto, en colaboración coa Asociación Española contra o cancro (AECC), organizaron a terceira edición do Torneo Basket Sen Barreiras no pavillón do colexio de Panxón cun dobre obxectivo: romper obstáculos sociais a través do deporte e recadar fondos para a investigación contra o cancro.

Gran éxito da III edición do Torneo Basket sen Barreiras do Club Baloncesto Nigrán (Foto: @cb_nigran )

Máis de 30 equipos DE BASKET de toda Galicia déronse cita durante dous días no Pavillón do colexio de Panxón en horario de mañá e tarde. As xornadas de mañá serviron especialmente para visualizar e promover a integración social de persoas con algún tipo de discapacidade . Para iso contaron co Club AMFIV, o centro Juan María, a asociación ALENTO de dano cerebral e COGAMI .

Para as xornadas de tarde habilitáronse 3 pistas onde xogaron os equipos dos diferentes clubs participantes nas categorías minibasket, preminibasket e baby. Estas dúas últimas o luns de tarde e a categoría mini pechando o torneo o martes de tarde.

Á entrega de medallas asistiron a deputada provincia, Digna Rivas; o Alcalde de Nigrán, Juan González; o concelleiro de Deportes, Luís Sanromán; e Berni Costas, xogador do AMFIV.

Cada xogador e xogadora participantes realizaron un donativo para a loita contra o cancro que foi depositado na urna cedida pola Asociación Española e que se atopou no pavillón durante os dous días do torneo. Todas as familias de xogadores, así como o resto de persoas asistentes ao torneo, tamén colaboraron con este fin solidario aportando o seu donativo en devandita urna.

Durante os dous días de competición realizáronse sorteos de diferentes agasallos entre os asistentes consistentes en material deportivo cedido pola Federación Galega de baloncesto e outros cedidos por empresas da localidade que colaboran co CB Nigrán. Todo o recadado coa venda das rifas para estes sorteos, así como o recollido na urna solidaria, foi entregado unha vez finalizado o Torneo á Asociación Española contra o cancro para a loita e investigación contra esta enfermidade.

Dado o éxito deste torneo desde a directiva do club xa están traballado en próximos eventos e proxectos deportivos .

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.