III Torneo “Basket sen Barreiras”

Mércores, 29 Marzo 2017 09:01

O Club Baloncesto Nigrán prepara a III edición do seu torneo “Basket sen Barreiras” no que participarán clubs de toda a Comunidade

O Club Baloncesto Nigrán e a a Federación Galega de Baloncesto, en colaboración coa Asociación Española contra o cancro (AECC), organizan a terceira edición deste os días 10 e 11 de Abril no pavillón do colexio de Panxón cun dobre obxectivo: romper obstáculos sociais a través do deporte e recadar fondos para a investigación contra o cancro.

Aínda que a data tope de inscrición de equipos é a do o 31 de marzo, xa a unha semana antes superouse o número de participantes con respecto á edición anterior, coa confirmación, a día de hoxe, de máis de 20 equipos entre os que se atopan as categorías base do Obradoiro de Santiago, o Pabellón Ourense, Porriño Baloncesto Base, Seis do Nadal ou Defensores do Morrazo, entre outros.

O torneo desenvolverase ambos días en horario de mañá e tarde. As xornadas de mañá servirán especialmente para visualizar e promover a integración social de persoas con algún tipo de discapacidade . Para iso contarán co Club AMFIV, o centro Juan María, a asociación ALENTO de dano cerebral e COGAMI, que disputarán diferentes partidos cos xogadores e xogadoras do CB Nigrán.

Para as xornadas de tarde habilitaranse tres pistas onde xogarán os equipos dos diferentes clubs participantes nas categorías minibasket, preminibasket e baby. Estas dúas últimas o luns de tarde, e a categoría mini pechando o torneo o martes de tarde.

Cada xogador participante realizará un donativo para a loita contra o cancro que será depositado na urna cedida pola Asociación Española contra o cancro e que se atopará no pavillón durante os dous días de torneo. Todas as familias de xogadores, así como o resto de persoas asistentes ao torneo, poden colaborar con este fin solidario aportando tamén o seu donativo deste xeito.

Durante os dous días de competición realizaranse sorteos de diferentes agasallos entre os asistentes que consistirán en material deportivo cedido pola Federación Galega de Baloncesto e outros cedidos por empresas da localidade que colaboran co CB Nigrán . Todo o recadado coa venda das rifas para estes sorteos así como o recadado na urna solidaria será entregado unha vez finalizado o Torneo á Asociación Española contra o cancro para a loita e investigación contra esta enfermidade .

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.