Deporte Galego

O Clinic de Pretemporada CGAB adapta o seu formato á situación sanitaria

  • 15 Agosto 2020 |

O Comité Galego de Árbitros abre a temporada 2020 - 2021 coa convocatoria do seu Clínic de Pretemporada. Esta actividade, xa tradicional, celebrarase alternativamente os vindeiros 29 e 30 de agosto e farao marcada pola realidade sanitaria, ofrecendo un formato diferente ao de anteriores anos.

Co obxectivo primordial de poder cumprir os protocolos sanitarios pertinentes, a edición 2020 do Clínic dividirase en tres localizacións diferentes e alternará contido online e parte presencial, sempre que a situación sanitaria e as directrices das institucións pertinentes o permitan nesas datas. Lugo (o 30 de agosto), Santiago e Vigo  (o 29 de agosto en ambos os casos) son as tres sedes elixidas. Nelas repartiranse por proximidade xeográfica os 68 árbitros que integran os Grupos 1, Dispoñibles do Grupo 1 e Grupo Sub 23 do propio CGAB.

O Clinic contará coas actividades básicas de cada pretemporada en torno a criterios técnicos e probas físicas, a realizar en cada sede segundo as posibilidades sanitarias; e sumará tamén a presenza virtual de dous relatores de alto nivel, o adestrador Javier Juárez (09.45 h) e o Instrutor Nacional FIBA, e Ex árbitro FIBA e ACB, Miguel Ángel Pérez Niz (11.00 h)

O adestrador Javier Juárez, con experiencia ACB en UCAM Murcia e Campión de España Júnior co Real Madrid e con traxectoria en Seleccións Españolas de base porá toda a súa experiencia e visión gañadora para falar da “evolución da arbitraxe dende categorías de formación ata a elite” a través da súa perspectiva. Pola súa banda, Pérez Niz explicará os "Cambios producidos nas Regras FIBA 2020".

Para ambas as intervencións, o CGAB reservará a maiores ata 50 prazas para adestradores de clubs FGB que desexen acceder virtualmente. A participación neste caso poderá solicitarse vía mail a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. a partir do luns, 17 de agosto; e aceptaranse as peticións por estrita orde de chegada e ata completar a cifra inidicada de 50 persoas.

Oficiais de mesa
Os oficiais de mesa CGAB serán tamén protagonistas do seu propio Clínic, deixando neste caso a súa actividade para o domingo, 30 de agosto; e realizándoa integramente online. Con eles tamén estará virtualmente Pérez Niz e traballarán cuestións relativas á acta dixital FEB e FGB e á unificación de criterios.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka