Deporte Galego

Arrinca a “Semana de Adestramentos AEEB” con Obradoiro CAB e Moncho Fernández

  • 27 Xaneiro 2014 |

A xornada deste luns 27 dá inicio á “Semana de Adestramentos ACB” con Moncho Fernández, unha iniciativa que, grazas á Asociación Española de Adestradores de Baloncesto (AEEB) e Obradoiro CAB, permite que 19 adestradores galegos formen parte durante toda esta semana (do 27 de xaneiro ao 2 de febreiro) da dinámica de traballo técnico do equipo santiagués.

Os 19 adestradores que solicitaron a súa participación coñecerán en primeira persoa os actuais enfoques de adestramento ACB e intercambiarán as súas propias experiencias deportivas cun cadro técnico do Obradoiro coa mente posta en preparar o enfrontamento deste domingo, 2 de febreiro, ante C.B. Canarias no Multiusos Fontes do Sar.

Ao cese da experiencia in situ, a actividade formativa enriquecerase coas achegas de cada participante, materializadas estas a través da redacción e entrega dun informe persoal configurado como resumo do vivido.

Finalmente, un certificado de asistencia que recibirá cada alumno poñerá o broche a esta semana tan especial, e outorgará o dereito a validar a presenza na mesma por un total de 20 HORAS de formación continua para os alumnos dos Cursos de Iniciación, Nivel 1 e Nivel 2 da FGB.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka