Nace o Proxecto “Galicia 2017 - Fundación Aíto García Reneses”

Xoves, 23 Marzo 2017 11:47

A Federación Galega de Baloncesto e a Fundación Aíto García Reneses emprenden un camiño, man a man, para converter a Galicia nun punto referente da formación.

A entidade federativa galega e a Fundación Aíto García Reneses, de recente creación, vinculan o seu traballo co obxectivo de organizar na nosa Comunidade, entre os días 26 e 30 de xuño do presente ano, unha dobre cita didáctica baixo a denominación “Galicia 2017- Fundación Aíto García Reneses” e que comprenderá un Campus para Adestradores e un Campus de Tecnificación para xogadores sub22, contando en ambos casos coa dirección de Diego Ocampo, adestrador galego do Joventut de Badalona.

diego ocampo

(Diego Ocampo. Foto: Divina Seguros Joventut)

Esta iniciativa, cuxos detalles concretos iranse coñecendo nas vindeiras semanas, concentrará en Galicia unha nova oportunidade formativa de alto nivel cun elenco de adestradores importante, completando ademais a oferta da propia Área Deportiva FGB, xa de por si ampla e de carácter itinerante.

Fundación Aíto García Reneses
A Federación Galega de Baloncesto colabora nesta ocasión coa Fundación Aíto García Reneses, institución nada grazas á inquietude do propio técnico que lle dá nome pola formación dos adestradores de baloncesto e polo fomento desta disciplina como medio de integración social dos colectivos mais desfavorecidos, así como do seu valor como hábito de vida saudable. 

O acordo coa FGB para promover un evento desta envergadura preséntase como unha gran plataforma para facer chegar ao colectivo de adestradores os coñecementos, valores e filosofía que Aíto vén aplicando durante a súa extensa traxectoria.

Formación

Novas máis vistas

Colaboradores Institucionales
Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño 
lugo logo-deputacion-ourense logo DEPUTACION PONT
Deputación da Coruña 
Colaboradores FGB
Psicocoach   logo aneto  logo special olympics galicia 2 325 

© 2017 Federación Galega de Baloncesto