Deporte Galego

Carlos Colinas regresa ao banquiño de España

  • 14 Xuño 2013 |

O actual director deportivo da Federación Galega de Baloncesto e á súa vez o seleccionador da historia do Baloncesto Español con máis medallas conquistadas, Carlos Colinas, regresa aos banquiños do equipo nacional na Selección U19 Feminina que o próximo verán disputará o Mundial de Lituania

(Info:FEB) Colinas, membro tamén do Gabinete Técnico FEB, farase cargo da Selección U19 que disputará o Mundial de Lituania do 18 ao 28 de xullo. Un reto que supón "unha volta a un banquiño que especialmente gústame xa que nas diferentes seleccións nacionais vivín algún dos mellores momentos da miña carreira e onde ademais podes traballar coas mellores xogadoras de cada xeración".

Ademais o técnico galego substitúe a "un amigo e un gran adestrador que non poderá estar no Mundial por motivos de índole familiar pero que adiantou traballo e ao que espero que lle vaia moi ben e que poida regresar pronto. Esta situación excepcional facía que á FEB necesitase que dese un paso á fronte e por iso aceptei".

MIGUEL MENDEZ: A FAMILIA É O PRIMEIRO
Miguel Martínez Méndez era o elixido para levar as rendas da Selección un verán máis "e van 12 consecutivos" sinala o adestrador campión de Copa con Rivas a pasada tempada. Pero aínda que Méndez mostrábase "especialmente motivado para afrontar o reto do Mundial" un imprevisto familiar demanda toda a súa atención en próximas datas. Por iso "aínda que me dá moita pena creo que debo realizar un exercicio de responsabilidade e estar ao carón da miña familia. Existían posibilidades reais de non poder acudir ao Mundial e non quería deixar colgado ao meu equipo".

Con todo Miguel Méndez espera "poder volver pronto. Sempre estou a disposición do Gabinete Técnico da FEB porque esta é unha das miñas grandes paixóns e un orgullo que se repite cada verán".

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka