Deporte Galego

Calidade e formación de referencia no "III Claustro Docente FGB"

  • 25 Maio 2015 |

A última etapa de cada temporada é sinónimo dun plus no ritmo da actividade formativa FGB. Se en xullo agardan os Cursos #adestradorgalego de Nivel 1 e Nivel 2 , o próximo día 13 do mes de xuño a Área de Adestradores da FGB proxecta un actividade previa de alto calado didáctico: o III Claustro Docente FGB.

Os técnicos galegos Moncho Fernández, Miguel Méndez, Miguel Ángel Hoyo e Diego Ocampo reuniranse o vindeiro 13 de xuño en A Coruña para, grazas a súa recoñecida traxectoria e constante capacidade de traballo ao máis alto nivel, ser guía e referencia do III Claustro Docente FGB.

Este “Claustro Docente”, que reúne no seu corpus base a un grande número de adestradores da Comunidade, regresa ao panorama formativo coa programación de diferentes sesións prácticas a cargo destes catro galegos de auténtico luxo para o noso Baloncesto e para os banquiños europeos.

A oportunidade de formarse cos mellores configúrase en torno a un calendario que encherá a xornada do 13 de xuño dun ambiente didáctico con extensión internacional e do que a FGB espera que formen parte un gran número de adestradores chegados de toda a Comunidade, así como de fóra das nosas fronteiras.

O programa, que se levará a cabo coa colaboración de Basquet Coruña, non deixa indiferente:

(11:00 h) Miguel Méndez (Familia Schio. Liga Feminina Italiana)

(12:15 h) Moncho Fernández (Rio Natura Monbus Obradoiro. Liga Endesa ACB)

(17:00 h)Miguel Ángel Hoyo (Horsholm 79´ers. Basketligaen. Dinamarca)

(18:45 h) Diego Ocampo (UCAM Murcia. Liga Endesa ACB)

Inscrición aberta
A oportunidade de ser parte activa de este III Claustro Docente FGB ábrese dende este mesmo luns a todos os adestradores galegos que o consideren. Baixo inscrición a través de mail, previo pago dunha cota de 10 euros, os técnicos galegos poderán ser testemuñas e partícipes das catro charlas ao completo. A inscrición formularase mediante o envío dun correo electrónico a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.. No mesmo é preciso remitir datos persoais e xustificante de pago.

Validación Horaria
O proceso de validación formativa para os alumnos dos Cursos FGB 2014 repite proposta neste III Claustro Docente, contabilizando a asistencia ao mesmo por un total de 10 HORAS de formación individual complementaria. Así mesmo, en breves datas confirmarase a sede concreta da actividade, así como as cuestión temáticas de referencia nesta III edición.

(Nº Conta Ingreso – Inscrición III Claustro Docente: ES96 2100 1455 14 0200227406)

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka