Deporte Galego

Os adestradores galegos, ben representados en Inglaterra

  • 19 Febreiro 2015 |
Carlos Colinas e Miguel Martín, satisfeitos coa súa vivencia inglesa
Carlos Colinas e Miguel Martín, satisfeitos coa súa vivencia inglesa

A Federación Inglesa de Baloncesto e o Baloncesto Galego estiveron vinculados “virtualmente” durante catro días. Dende o pasado luns; 16 de febreiro, e ata este mesmo xoves 19, o adestrador de R.C. Celta Selmark (LF2) e Director Técnico FGB; Carlos Colinas, tivo a oportunidade especial de asistir como adestrador relator nun Campus destinado a xogadores internacionais organizado pola Federación Inglesa.

O responsable técnico da Federación Galega, que viviu esta experiencia acompañado polo Director da Escola Nacional de Adestradores, Miguel Martín; achegou toda a súa bagaxe para, durante os indicados catro días, elaborar e afondar nun completo programa técnico de traballo.

Ambos os dous técnicos nacionais destinaron o seu esforzo a configurar esta estrutura orientada a 50 horas de labor e dirixida a 90 xogadores en idades sub16, sub18 e sub 19. Xunto a todos eles, e tomando boa nota de todo o sucedido en pista, participaron 25 adestradores da Federación Inglesa.

A experiencia resultou completamente satisfactoria para todos, supoñendo un fito máis no intercambio didáctico e rotura de fronteiras que o baloncesto sempre ofrece.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka